ນິວຢອກ ປະກາດພາວະສຸກເສີນ ຮັບມືກັບວິກິດຜູ້ອົບພະຍົບ ຫລັ່ງໄຫລເຂົ້າເມືອງ

ໃນວັນທີ 7 ຕຸລາ ທີ່ຜ່ານມາ ທ່ານ ເອຣິກ ອາດຳ ເຈົ້າຄອງນະຄອນນິວຢອກ ປະກາດພາວະສຸກເສີນ ຮັບມືກັບສະຖານະການວິກິດ ການຫລັ່ງໄຫລເຂົ້າເມືອງ ຂອງກຸ່ມຜູ້ອົບພະຍົບ ຫລັງຈາກມີຜູ້ອົບພະຍົບເຂົ້າເມືອງນິວຢອກຜ່ານຊາຍແດນ ທາງພາກໃຕ້ຂອງເມືອງ ແລ້ວ 17,000 ຄົນ ນັບຕັ້ງແຕ່ຊ່ວງເດືອນເມສາ ທີ່ຜ່ານມາ.

ລາຍງານລະບຸວ່າ: ຫລັງຈາກຈຳນວນຜູ້ອົບພະຍົບຫລັ່ງໄຫລມາຮອດຊາຍແດນສະຫະລັດ-ແມັກຊິໂກ ເພີ່ມຂຶ້ນເປັນຈຳນວນຫລາຍ, ນັບຕັ້ງແຕ່ ເດືອນກັນຍາທີ່ຜ່ານມາ ມີລົດບັນທຸກຜູ້ອົບພະຍົບມາຮອດນິວຢອກວັນລະ 5-6 ຄັນ ສ່ວນຫລາຍມາເປັນຄອບຄົວທີ່ມີລູກນ້ອຍ ແລະ ຕ້ອງການເຂົ້າໂຮງໝໍເປັນຈຳນວນຫລາຍ.