ເທນ ຮາກ ຢືນຢັນ ຟານ ເດີ ເບັກ ຕ້ອງສົມບູນເຕັມ 100 ຫາກຫວັງເປັນຕົວຈິງໃນທີມ

ເອຣິກ ເທນ ຮາກ ຜູ້ຈັດການແມນເຊສເຕີ ຢູໄນເຕັດ ລະບຸຈະແຈ້ງເຖິງສະຖານະການໃນທີມຂອງ ດອນນີ ຟານ ເດິ ເບັກ ວ່ານັກເຕະຈະຕ້ອງສົມບູນເຕັມຮ້ອຍເທົ່ານັ້ນ ຫາກຕ້ອງການມີຕຳແໜ່ງພາຍໃນທີມ.

ກອງກາງອາຍຸ 25 ປີ ຍັງບໍ່ໄດ້ລົງຫລິ້ນຕົວຈິງໃນທີມເລີຍໃນລະດູການນີ້ ແລະ ປະສົບບັນຫາອາການບາດເຈັບຈົນຫລຸດອອກຈາກ ທີມໃນໄລຍະຫລັງ ເຊິ່ງທີ່ຜ່ານມາສອງປີຫລັງການຍ້າຍມາສູ່ທີມ ຟານ ເດິ ເບັກ ຍັງບໍ່ໄດ້ສາມາດຮັບປະກັນຕົວຈິງໄດ້ຕໍ່ເນື່ອງເລີຍ ຈັກເທື່ອ ແລະ ນັ້ນຄືບັນຫາໃຫຍ່ສຳລັບລາວ ເຊິ່ງ ເທນ ຮາກ ລະບຸຈະແຈ້ງວ່ານັກເຕະຕ້ອງເລີ່ມຕົ້ນຈາກຄວາມພ້ອມຂອງ ຮ່າງກາຍເປັນອັນດັບທຳອິດ.

“ ລາວມີອາການບາດເຈັບກ້າມຊີ້ນມາກ່ອນໜ້ານີ້ ແລະ ເຮັດໃຫ້ລາວຕ້ອງພັກປະມານ 2-3 ອາທິດ ຕອນນີ້ລາວກັບມາຊ້ອມ ສ່ວນຕົວທັງໃນສະໜາມຊ້ອມ ແລະ ໃນຢິມແລ້ວ ແຕ່ກັບທີມລາວຍັງບໍ່ໄດ້ລົງຫລິ້ນນຳ ດັ່ງນັ້ນເຮົາຕ້ອງລໍຖ້າຕໍ່ໄປ ອັນດັບທຳອິດລາວຕ້ອງກຽມຮ່າງກາຍໃຫ້ພ້ອມກ່ອນ ລາວຢູ່ກັບທີມມາສອງປີເຄິ່ງ ແລະ ຕອນນີ້ລາວລົງຫລິ້ນ ກ່ອນເປີດລະດູການກັບທີມໄດ້ອ່າວພໍໃຈ ໂອກາດຈະມາເຖິງໃນອີກບໍ່ດົນ ”.