ກາຕາ ອະນຸຍາດໃຫ້ເຈົ້າໜ້າທີ່ລັດເຮັດວຽກຢູ່ບ້ານໄລຍະບານໂລກ

ທາງການກາຕາ ມີຄຳສັ່ງໃຫ້ເຈົ້າໜ້າທີ່ລັດ 80% ເຮັດການ “ Work from home ” ຫລື ເຮັດວຽກຢູ່ບ້ານ ໃນໄລຍະການ ແຂ່ງຂັນ ບານໂລກ ເພື່ອຫລຸດຄວາມເຄັ່ງຄຽດເລື່ອງການຂົນສົ່ງມວນຊົນ ແລະ ການເບິ່ງແຍງຄວາມຮຽບຮ້ອຍຂອງຕຳຫລວດ ລວມ ເຖິງໃຫ້ໂຮງຮຽນເປີດເຄິ່ງມື້ ແລະ ປິດຮຽນຊ່ົວຄາວໃນໄລຍະຂອງການແຂ່ງຂັນບານໂລກ 2022.

“ Reuters ” ສຳນັກຂ່າວຕ່າງປະເທດຊື່ດັງລາຍງານວ່າ ລັດຖະບານກາຕາມີຄຳສ່ັງໃຫ້ເຈົ້າໜ້າທີ່ຂອງລັດຖະບານສ່ວນ ຫລາຍ ເຮັດວຽກຈາກບ້ານ ໃນໄລຍະຂອງການແຂ່ງຂັນບານໂລກ 2022 ເຊິ່ງພວກເຂົາຈະເປັນເຈົ້າພາບລະຫວ່າງວັນທີ 20 ພະຈິກ – 18 ທັນວາ ຂະນະທີ່ໂຮງຮຽນກໍໃຫ້ຫລຸດຊ່ົວໂມງຮຽນລົງ ກ່ອນທີ່ຈະປິດຮຽນຊ່ົວຄາວໃນໄລຍະຂອງການແຂ່ງຂັນບານໂລກ.

ທັງນີ້ ເປັນທີ່ຄາດກັນວ່າແຟນບານຈາກທົ່ວໂລກຈະຫລັ່ງໄຫລມາຍັງດິນແດນເສດຖີນ້ຳມັນໃນໄລຍະຂອງການແຂ່ງຂັນບານໂລກເຖິງ 1,2 ລ້ານຄົນ ເຊິ່ງເປັນຈຳນວນເກືອບເຄິ່ງຫນຶ່ງຂອງປະຊາກອນຫມົດປະເທດກາຕາ ສົ່ງຜົນໃຫ້ມີຄວາມກັງວົນທັງເລື່ອງ ຂອງການຂົນ ສົ່ງມວນຊົນ ລວມເຖິງການເຮັດໜ້າທີ່ເບ່ິງແຍງຄວາມສະຫງົບຮຽບຮ້ອຍຂອງເຈົ້າໜ້າທີ່ຕຳຫລວດ.

ດ້ວຍເຫດນີ້ ທາງການກາຕາຈຶ່ງມີຄຳສ່ັງໃຫ້ເຈົ້າໜ້າທີ່ລັດປະມານ 80% ເຮັດວຽກທີ່ບ້ານໃນໄລຍະລະຫວ່າງວັນທີ 1 ພະຈິກ – 19 ທັນວາ ຂະນະທີ່ໂຮງຮຽນທັງລັດ ແລະ ເອກະຊົນ ໃຫ້ຮຽນເຄິ່ງມື້ໃນລະຫວ່າງວັນທີ 1 – 17 ພະຈິກ ຫລັງຈາກນັ້ນໃຫ້ປິດຮຽນຊົ່ວ ຄາວຈົນເຖິງວັນທີ 22 ພະຈິກເປັນຢ່າງຫນ້ອຍ ໂດຍ ໂມຮຳເຫມັດ ອັລ ຮັສຣີ ໂຄສົກກະຊວງການສື່ສານຂອງລັດຖະບານກາຕາ ລະບຸວ່າຄຳສ່ັງດັ່ງກ່າວເປັນໄປເພື່ອຜົນປະໂຫຍດສູງສຸດຂອງສາທາລະນະຊົນ ແລະເພື່ອອຳນວຍຄວາມສະດວກໃນ ການເປັນເຈົ້າພາບບານໂລກ.