ໂຣນັລໂດ ສະຖິຕິຕົວສຳຮອງໃນລີກ 5 ນັດຕິດ ຄັ້ງທຳອິດໃນຮອບ 19 ປີ
ຄຣິສຕຽນໂນ ໂຣນັລໂດ ກອງໜ້າຊຸບເປີດສະຕາຂອງແມນເຊສເຕີ ຢູໄນເຕັດ ສ້າງສະຖິຕິທີ່ບໍ່ໜ້າຈົດຈຳໃນຊີວິດ ເມື່ອເປັນຕົວ ສຳຮອງ 5 ເກມຕິດຕໍ່ກັນຄັ້ງທຳອິດໃນຮອບ 19 ປີ ໃນເກມເສຍໃຫ້ ແມນເຊສເຕີ ຊິຕີ 3-6 ທີ່ສະໜາມເອຕິຮັດ ເມື່ອວັນອາທິດທີ 2 ຕຸລາທີ່ຜ່ານມາ.
ໂຣນັລໂດ ມີຊື່ໃນເກມນີ້ແຕ່ໃນຖານະຕົວສຳຮອງ ແລະ ຕ້ອງນັ່ງຢູ່ໃນຊຸ້ມຕັ່ງນັ່ງສຳຮອງ ພ້ອມກັບເຫັນທີມຮັກຖືກເພື່ອນ ບ້ານລໍ້ເປົ້າຢ່າງເມົາມັນຈະຈົບເກມ ໂດຍທີ່ລາວບໍ່ມີໂອກາດໄດ້ລົງໄປຊ່ວຍຫມູ່ຮ່ວມສັງກັດແມ່ນແຕ່ວິນາທີດຽວ.
ຈາກການທີ່ ເອຣິກ ເທນ ຮາກ ຜູ້ຈັດການທີມຊາວເນເທີແລນ ຈັບ ໂຣນັລໂດ ເປັນພຽງສຳຮອງຄັ້ງນີ້ ເຮັດໃຫ້ລາວສ້າງສະຖິຕິທີ່ມີ ຊື່ເປັນໃນເກມລີກ 5 ນັດຕິຕໍ່ກັນເປັນຄັ້ງທຳອິດນັບຕັ້ງແຕ່ກ້າວຂຶ້ນມາສູ່ທີມຊຸດໃຫຍ່ ສະປອດຕິງ ລິສບອນ ເມື່ອລະດູການ 2002/2003 ເຊິ່ງຕອນນັ້ນນັກເຕະເປັນຕົວສຳຮອງ 7 ເກມລວດ.
ແນວໃດກໍຕາມ ໂຣນັລໂດ ເຄີຍພົບກັບປະສົບການແບບນີ້ມາແລ້ວສະໄຫມທີ່ຍ້າຍມາຢູ່ໃນຖິ່ນ ໂອນ ແທຣ໊ຟຟອດ ໄລຍະທຳອິດ ເມື່ອລາວຕ້ອງເປັນພຽງຕົວສຳຮອງໃນເກມລີກ 4 ນັດຕິດຕໍ່ກັນໃນໄລຍະລະດູການ 2004/2005.
