ແຈ້ງໃຫ້ແຮງງານລາວ ສາມາດຂໍອະນຸມັດບັນຊີລາຍຊື່ ນຳໜ່ວຍງານພາກລັດຂອງ ສປປ ລາວ ທີ່ປະຈໍາຢູ່ ບາງກອກ ປະເທດໄທ.
October 2, 2022 - 5:29 PM
ອີງຕາມການເຫັນດີຂອງສອງຝ່າຍ ລາວ-ໄທເພື່ອໃຫ້ແຮງງານລາວທີ່ໄດ້ຮັບການຂຶ້ນທະບຽນຕາມມະຕິຄະນະລັດຖະມົນຕີ (ຄຣມ) ຂອງປະເທດໄທ ໄດ້ຮັບການອະນຸຍາດເຮັດວຽກຢ່າງຖືກຕ້ອງຕາມກົດໝາຍຂອງສອງປະເທດ, ຜູ້ອອກແຮງງານລາວໄດ້ຮັບການຕິດຕາມ, ຄຸ້ມຄອງ ແລະ ຊ່ວຍເຫຼືອຕະຫຼອດໄລຍະເວລາ 2 ປີ. ສປປ ລາວ ໄດ້ສົ່ງຄະນະຮັບຜິດຊອບແກ້ໄຂແຮງງານລາວໄປດໍາເນີນການອອກອະນຸມັດບັນຊີລາຍຊື່ (Name list) ແລະ ຮວບຮວມເອກະສານເພື່ອສະເໜີປ່ຽນໜັງສືຜ່ານແດນ (Passport)ໃຫ້ແຮງງານລາວທີ່ເຮັດວຽກຢູ່ປະເທດໄທ ແບບບໍ່ຖືກຕ້ອງ ໃຫ້ສາມາດອອກບັດອະນຸຍາດເຮັດວຽກ (Work permit) ແລະ ວີຊາ (Visa) ເພື່ອສືບຕໍ່ເຮັດວຽກໄດ້ 2 ປີ.ຊຶ່ງແຮງງານລາວຕາມມະຕິຄະນະລັດຖະມົນຕີ (ຄຣມ) ຄື: ມະຕິ 29 ທັນວາ 2563; ມະຕິ 13 ກໍລະກົດ 2564; ມະຕິ 28 ກັນຍາ 2564 ແລະ ມະຕິ 5 ກໍລະກົດ 2565ໃຫ້ໄປຂຶ້ນທະບຽນອະນຸມັດບັນຊີລາຍຊື່(Name list)ແລະ ສະເໜີປ່ຽນໜັງສືຜ່ານແດນ(Passport)ນໍາໜ່ວຍງານແກ້ໄຂແຮງງານລາວ ຢູ່ທີ່ອາພາດເມັ້ນພົງພະນາ ຊຶ່ງຕັ້ງຢູ່ດ້ານຫຼັງຂອງສະຖານເອກອັກຄະລັດຖະທູດແຫ່ງ ສປປ ລາວ ທີ່ບາງກອກ, ປະເທດໄທນັບແຕ່ວັນທີ 22 ກັນຍາ ເຖີງວັນທີ 04 ພະຈິກ 2022. ການປະກອບເອກະສານ ມີດັ່ງນີ້:
1. ກຸ່ມທີ່ມີໜັງສືຜ່ານແດນ(Passport)ທີ່ບໍ່ໝົດອາຍຸການນໍາໃຊ້ ຕາມກໍານົດການອະນຸຍາດໃຫ້ເຮັດວຽກ ແຕ່ວີຊາ (VISA)ໝົດກໍານົດ ໃຫ້ມາຂຶ້ນທະບຽນອະນຸມັດບັນຊີລາຍຊື່(Name list). ເອກະສານປະກອບ ມີດັ່ງນີ້:
1.1 ສໍາເນົາໜັງສືຜ່ານແດນ (Passport) 01 ໃບ
1.2 ສໍາເນົາບັດອະນຸຍາດເຮັດວຽກ (work permit) ຫຼື ບັດ ທລ 38 ຫຼື ໃບຂຶ້ນທະບຽນ 1 ໃບ
1.3 ສໍາເນົາບັດປະຊາຊົນ ແລະ ທະບຽນບ້ານຂອງນາຍຈ້າງ 1 ໃບ
2. ກຸ່ມທີ່ມີໜັງສືຜ່ານແດນ (Passport)ທີ່ມີອາຍຸການນໍາໃຊ້ ຕໍ່າກວ່າກໍານົດການອະນຸຍາດໃຫ້ເຮັດວຽກ ຫຼື ໝົດອາຍຸ ແລະ ວີຊາ (VISA)ໝົດກໍານົດ ໃຫ້ປະກອບເອກະສານ ດັ່ງນີ້:
2.2 ໜັງສືຜ່ານແດນ(Passport) ສະບັບຕົ້ນ (ສະບັບແທ້)
2.3 ສໍາເນົາບັດປະຈໍາຕົວ (ບັດປະຊາຊົນ) ຫຼື ສໍາມະໂນຄົວ 1 ຊຸດ
2.4 ສໍາເນົາບັດອະນຸຍາດເຮັດວຽກ (work permit) ຫຼື ບັດ ທລ 38 ຫຼື ໃບຂຶ້ນທະບຽນ 1 ໃບ
2.5 ສໍາເນົາບັດປະຊາຊົນ ແລະ ທະບຽນບ້ານຂອງນາຍຈ້າງ 1 ຊຸດ
2.6 ຮູບຖ່າຍພື້ນສີຂາວ, ໃສ່ເສື້ອສູດ/ຄໍປົກ ທີ່ມີຂະໜາດ 4×6 cm 3 ໃບ
3. ກຸ່ມທີ່ບໍ່ມີໜັງສືຜ່ານແດນ (Passport)ໃຫ້ມາຂື້ນທະບຽນ ຮັບໃບເດີນທາງຊົ່ວຄາວ (ບັດເຫຼືອງ) ເພື່ອເດີນທາງກັບຄືນ ສປປ ລາວ ໃນການປະກອບເອກະສານເຮັດໜັງສືຜ່ານແດນ (Passport)ມາໃໝ່. ໃຫ້ປະກອບເອກະສານ ດັ່ງນີ້:
3.1 ສໍາເນົາບັດປະຈໍາຕົວ (ບັດປະຊາຊົນ) ແລະ/ຫຼື ສໍາມະໂນຄົວ ຫຼື ສໍາເນົາໃບຢັ້ງຢືນທີ່ຢູ່ຈາກບ້ານທີ່ຕົນເອງອາໃສ ຢູ່ໃນປະເທດລາວ 1 ຊຸດ
3.2 ຮູບຖ່າຍພື້ນສີຂາວ, ໃສ່ເສື້ອສູດ/ຄໍປົກ ທີ່ມີຂະໜາດ 4×6 cm 3 ໃບ
ໝາຍເຫດ: ກຸ່ມທີ່ 1 ແລະ ກຸ່ມທີ່ 2 ໃນກໍລະນີແຮງງານລາວບໍ່ສາມາດເຂົ້າມາດ້ວຍຕົນເອງ ແມ່ນໃຫ້ສົ່ງເອກະສານທີ່ກ່ຽວຂ້ອງ ໃຫ້ເຈົ້າໜ້າທີ່ທາງໄປສະນີ: (556 ຊອຍຣິດງາມ, ຖະໜົນປະຊາອຸທິດ, ແຂວງວັງທອງຫຼາງ, ເຂດວັງທອງຫຼາງ, ກຸງເທບມະຫານະຄອນ 10310)
ສໍາລັບຄ່າໃຊ້ຈ່າຍໃນການອອກອະນຸມັດບັນຊີລາຍຊື່, ຕິດຕາມ, ຄຸ້ມຄອງ ແລະ ຊ່ວຍເຫຼືອ ຕະຫຼອດໄລຍະ 2 ປີ ເປັນເງິນຈໍານວນ 3.500 ບາດ (ບໍ່ລວມຄ່າໃຊ້ຈ່າຍໃນການຂໍອະນຸມັດຕ່າງໆຈາກທາງການໄທ). ໃນກໍລະນີສະເໜີອອກໜັງສືຜ່ານແດນ (Passport) ແມ່ນມີຄ່າໃຊ້ຈ່າຍເພີ່ມຕາມລະບຽບການ.
ລາຍລະອຽດຕ່າງໆສາມາດສອບຖາມໄດ້:
– ເບີໂທ:099-364-8112; 080-589-4141; 064-875-3865; 094-378-3131
– ID Line: noy52293999; ID Line: noy_271090;ID Line: saykham99; ID Line: 55502414
