ເມືອງແອດຈັດພິທີທຳລາຍສິນຄ້າໝົດອາຍຸ, ເສື່ອມຄຸນນະພາບ ແລະ ສິນຄ້າຫ້າມນຳເຂົ້າ-ຈຳໜ່າຍ ມູນຄ່າ 5 ລ້ານກວ່າກີບ
October 2, 2022 - 12:05 PM
ຂ່າວເມືອງແອດ ແຂວງຫົວພັນລາຍງານໃຫ້ຮູ້ວ່າ: ວັນທີ 28 ກັນຍາ 2022 ຜ່ານມານີ້ ໜ່ວຍສະເພາະກິດກວດກາສິນຄ້າໝົດອາຍຸ ໄດ້ນຳເອົາສິນຄ້າໝົດອາຍຸ, ເສຍຄຸນນະພາບ ທຳລາຍຖິ້ມຢູ່ທີ່ສະໜາມຂີ້ເຫຍື້ອຂອງເມືອງ, ເຊິ່ງມີບັນດາຫົວໜ້າຄະນະຮັບຜິດຊອບຂັ້ນເມືອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານນຳ.
ສິນຄ້າໝົດອາຍຸການບໍລິໂພກ ແລະ ເສື່ອມຄຸນນະພາບ ທີ່ຍຶດໄດ້ມາຈາກຮ້າງຮ້ານຕ່າງໆພາຍໃນເມືອງແອດ ເປັນຕົ້ນແມ່ນນ້ຳຫວານ, ເຂົ້າໜົມ, ໝີ່, ຫົວອາຫານສັດ, ເຄື່ອງສຳອາງ ແລະ ເຄື່ອງບໍລິໂພກອື່ນໆ ລວມມູນຄ່າ 5. 291.000 ກີບ.
