ຝ່າຍຈັດບານໂລກ ຢືນຢັນແຟນບານຕ້ອງສະແດງຜົນກວດໂຄວິດ-19 ກ່ອນເຂົ້າກາຕາ
ຝ່າຍຈັດການແຂ່ງຂັນຢືນຢັນວ່າ ແຟນບານທີ່ຈະເດີນທາງເຂົ້າກາຕາເພື່ອເບິ່ງບານໂລກ 2022 ຕ້ອງສະແດງຜົນກວດໂຄ ວິດທີ່ເປັນລົບ ກ່ອນເຂົ້າປະເທດ ແລະ ເມື່ອເຂົ້າປະເທດແລ້ວກໍບໍ່ຕ້ອງກວດອີກ ຖ້າບໍ່ມີອາການ ແຕ່ບໍ່ບັງຄັບເລື່ອງສະຖານະ ການສີດວັກຊີນແຕ່ຢ່າງໃດ.
ຝ່າຍຈັດການແຂ່ງຂັນບານໂລກ 2022 ທີ່ປະເທດກາຕາ ລະບຸເມື່ອວັນພະຫັດທີ່ຜ່ານມາວ່າ ແຟນບານອາຍຸ 6 ປີຂຶ້ນໄປ ທີ່ຈະເດີນທາງເຂົ້າປະເທດກາຕາໃນໄລຍະບານໂລກ ຕ້ອງສະແດງຜົນກວດໂຄວິດແບບ RT-PCR ທີ່ກວດພາຍໃນ 48 ຊົ່ວໂມງກ່ອນເດີນທາງ ຫລື ບໍ່ກໍຕ້ອງສະແດງຜົນກວດແບບ ATK ທີ່ກວດພາຍໃນ 24 ຊ່ົວໂມງກ່ອນເດີນທາງເຖິງກາຕາ ໂດຍຕ້ອງເປັນຊຸດກວດທີ່ໄດ້ຮັບການຍອດມຮັບຈາກໜ່ວຍງານດ້ານສາທາລະນະສຸກຢ່າງເປັນທາງການ ແລະ ເມື່ອເດີນ ທາງເຂົ້າປະເທດກາຕາແລ້ວ ຫາກບໍ່ມີອາການປ່ວຍກໍບໍ່ຈຳເປັນຕ້ອງກວດຫາເຊື້ອອີກແຕ່ຢ່າງໃດ.
ນອກຈາກນີ້ ແຟນບານທີ່ອາຍຸ 18 ປີຂຶ້ນໄປ ຈະຕ້ອງດາວໂຫລດແອບພຣີເຄຊັນທີ່ຊື່ວ່າ Ehteraz ແລະຕ້ອງມີສະຖານະເປັນສີຂຽວ ເຊິ່ງຈະເປັນສິ່ງທີ່ຢືນຢັນວ່າແຟນບານດັ່ງກ່າວບໍ່ໄດ້ຕິດເຊື້ອໂຄວິດ-19 ກ່ອນເຂົ້າສູ່ອາຄານສາທາລະນະຕ່າງໆ ນອກຈາກນີ້ ແຟນບານຈະຕ້ອງໃສ່ໜ້າກາກອະນາໄມຂະນະໂດຍສານຂົນສົ່ງມວນຊົນນຳອີກ.
