ທ່ານ ປູຕິນ ປະກາດລວມ 4 ດິນແດນອູແກຣນ ເປັນຂອງຣັດເຊຍຢ່າງເປັນທາງການ
September 30, 2022 - 9:45 PM
ປະທານາທິບໍດີ ວະລາດິເມຍ ປູຕິນ ຜູ້ນຳຣັດເຊຍ ປະກາດລວມ 4 ແຄວ້ນໃນອູແກຣນເປັນດິນແດນຂອງຣັດເຊຍຢ່າງເປັນທາງການ ໂດຍເປັນເຈດຈຳນົງຂອງປະຊາຊົນນັບລ້ານ.
ພິທີລົງນາມຄັ້ງນີ້ ຈັດຂຶ້ນຢູ່ພະລາດຊະວັງເກຣມລິນ ໃນນະຄອນຫລວງມົດສະກູ ເມື່ອເວລາ 15:00 ໂມງ ຂອງວັນທີ 30 ກັນຍາ 2022 ຕາມເວລາທ້ອງຖິ່ນ ຫລື 19:00 ໂມງ ຕາມເວລາປະເທດລາວ ໂດຍມີສະມາຊິກສະພາຜູ້ແທນລາຊະດອນ, ວຸດທິສະມາຊິກ ແລະ ຜູ້ນຳຂອງທັງ 4 ພາກພື້ນທີ່ໄດ້ຮັບການແຕ່ງຕັ້ງຈາກຣັດເຊຍເຂົ້າຮ່ວມ ເຊິ່ງໄດ້ສົ່ງຜົນໃຫ້ດິນແດນທັງ 4 ເຊິ່ງລວມກັນ 15% ຂອງອູແກຣນ ກາຍເປັນຂອງຣັດເຊຍ.
ເຖິງຢ່າງໃດກໍຕາມ, ປະເທດຕາເວັນຕົກເບິ່ງວ່າ: ການລວມດິນແດນໃນຄັ້ງນີ້ເປັນຄວາມຕ້ອງການຂອງທ່ານ ປູຕິນ ໃນການຍົກລະດັບສົງຄາມ ເພື່ອເປັນຂໍ້ອ້າງໃນການໃຊ້ອາວຸດນິວເຄຼຍ ຖ້າອູແກຣນໂຈມຕີດິນແດນດັ່ງກ່າວ ຕາມຜູ້ນຳຣັດເຊຍເຄີຍອອກມາປະກາດວ່າ: ພ້ອມໃຊ້ອາວຸດນິວເຄຼຍເພື່ອປົກປ້ອງດິນແດນ ແລະ ອະທິປະໄຕຂອງປະເທດ.
ອ້າງອີງ:
