ຕາລີບັນຊີ້ຍຸດທະສາດອັບການິດສະຖານ ຂອງທ່ານ ທຣຳ ບໍ່ມີຫຍັງໃໝ່
ກຸ່ມຕາລີບັນເບິ່ງວ່າ: ຍຸດທະສາດອັບການິດສະຖານຂອງປະທານາທິບໍດີ ໂດນັນ ທຣຳ ຂອງອາເມລິກາ ວ່າຄຸມເຄືອ ບໍ່ມີຫຍັງໃໝ່, ພາຍຫລັງຜູ້ນຳອາເມລິກາເປີດທາງໃຫ້ສົ່ງທະຫານອາເມລິກາອີກຫລາຍພັນຄົນເຂົ້າໄປໃນອັບການິດສະຖານ.
+ ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ
+ ເກີດລະເບີດຄັ້ງໃຫຍ່ໃກ້ສະຖານທູດອາເມລິກາຢູ່ອັບການິດສະຖານ
ໂຄສົກຕາລີບັນຢູ່ອັບການິດສະຖານ ກ່າວວ່າ: ບົດກ່າວຂອງທ່ານ ທຣຳ ບໍ່ມີຫຍັງໃໝ່ ແລະ ບໍ່ມີຄວາມຈະແຈ້ງ, ທາງກຸ່ມກຳລັງກຽມຈັດຖະແຫລງຢ່າງເປັນທາງການ ແລະ ຈະເຜີຍແຜ່ໃນໄວໆນີ້. ສ່ວນແກນນຳລະດັບສູງຂອງຕາລີບັນ ກ່າວວ່າ: ທ່ານ ທຣຳ ພຽງແຕ່ພະຍາຍາມເຮັດໃຫ້ພຶດຕິກຳໂອຫັງຂອງປະທານາທິບໍດີອາເມລິກາຄົນກ່ອນໆ ເຊັ່ນທ່ານ ຈອດ ດັບເບິນຢູ ບຸສ ເປັນສິ່ງອຳມະຕະ ແລະ ຜານຊີວິດທະຫານອາເມລິກາເທົ່ານັ້ນ, ຕາລີບັນເຮັດສົງຄາມນີ້ມາດົນຈົນບໍ່ມີຄວາມຢ້ານ ແລະ ຈະສູ້ຈົນເຖິງລົມຫາຍໃຈສຸດທ້າຍ.
ທັງນີ້ກ່ອນທີ່ປະທານາທິບໍດີ ທຣຳ ຈະກ່າວສູນທອນພົດເລື່ອງຍຸດທະສາດອັບການິດສະຖານ ໃນຄໍ່າວັນທີ 21 ສິງຫາຕາມເວລາອາເມລິກາ, ກຸ່ມຕາລີບັນໄດ້ສົ່ງຈົດໝາຍເຕືອນທ່ານ ທຣຳ ວ່າ: ຢ່າສົ່ງທະຫານມາອັບການິດສະຖານເພີ່ມ ແລະ ຮຽກຮ້ອງໃຫ້ກອງກຳລັງຕ່າງປະເທດຖອນຕົວອອກໄປຈາກອັບການິດສະຖານໃຫ້ໝົດ.
