ຫວຽດນາມໄດ້ຮັບຜົນກະທົບຈາກ ພາຍຸ ໂນຣຸ ມີຄົນໄດ້ຮັບບາດເຈັບ 57 ຄົນ

ໃນຕອນເຊົ້າຂອງວັນທີ 29 ກັນຍາ 2022 ສຳນັກງານປະຈຳຄະນະກຳມະການຊີ້ນຳແຫ່ງຊາດກ່ຽວກັບການປ້ອງກັນ ແລະ ຮັບມືໄພພິບັດທາງທຳມະຊາດລາຍງານວ່າ: ມາຮອດວັນທີ 29 ກັນຍາ ນີ້ ມີຜູ້ໄດ້ຮັບບາດເຈັບ 57 ຄົນ, ບ້ານເຮືອນ 94 ຫລັງ ໄດ້ຮັບຄວາມເສຍຫາຍຢ່າງໜັກຈາກພາຍຸໂນຣູ ໂດຍສະເພາະ ແຂວງກວ໋າງນາມ ແລະ ກວ໋າງຫງາຍ ເປັນພື້ນທີ່ ທີ່ໄດ້ຮັບຜົນກະທົບຫລາຍທີ່ສຸດ ບ້ານເຮືອນເກືອບ 3,300 ຫລັງ ແລະ ໂຮງຮຽນ 77 ແຫ່ງ ໄດ້ຮັບຄວາມເສຍຫາຍ ພື້ນທີ່ການກະເສດ ເສຍຫາຍ 1,300 ເຮັກຕາ ສັດລ້ຽງຕາຍກວ່າ 3 ພັນໂຕ, ເສັ້ນທາງໃນທ້ອງຖີ່ນລວມ 65 ຈຸດ ແລະ ຂົວ 4 ແຫ່ງທີ່ໄດ້ຮັບຄວາມເສຍຫາຍ