ແອັດມາດຣິດ ທາບທາມ ເດ ເຄອາ ຫລັງ ໂອບລັກ ຜົນງານຕົກໄລຍະຫລັງ

ແອັດເລຕີໂກ ມາດຣິດ ຕົກເປັນຂ່າວພິຈາລະນາຄວາມເປັນໄປໄດ້ໃນການຄວ້າຕົວ ດາບິດ ເດ ເຄອາ ຜູ້ຮັກສາປະຕູສັງກັດ ສະໂມສອນແມນເຊສເຕີ ຢູໄນເຕັດ ຮ່ວມທີມໃນຕະຫລາດຊື້ຂາຍນັກເຕະລະດູການນີ້ ຫລັງຄວາມພະຍາຍາມທີ່ຈະຂະຫຍາຍສັນຍາ ແຢນ ໂອບລັກ ບໍ່ມີຄວາມຄືບໜ້າ.

ສັນຍາສະບັບປັດຈຸບຂອງ ເດ ເຄອາ ກັບທີມ ແມນຢູ ທີ່ພວມຈະສິ້ນສຸດລົງໃນລະດູການ 2023 ນີ້ ເຖິງວ່າແມນຢູ ຈະມີການຂະ ຫຍາຍສັນຍາຂອງ ເດ ເຄອາ ຜູ້ຮັກສາປະຕູອາຍຸ 31 ປີ ອອກໄປອີກ 1 ປີ ແຕ່ຈົນເຖິງເວລານີ້ຍັງບໍ່ໄດ້ມີການຕັດສິນໃຈໃດໆຈາກທັງ 2 ຝ່າຍ ທ່າມກາງຄວາມສົນໃຈຈາກ ແອັດ ມາດຣິດ.

ເດ ເຄອາ ເປັນຫນຶ່ງໃນນັກເຕະຄົນສຳຄັນໃນຖິ່ນ ໂອນ ແທຣ໊ບຟອດ ນັບຕັ້ງແຕ່ຍ້າຍມາຈາກ ແອັດເລຕີໂກ ມາດຣິດ ໃນລະດູການ 2021 ແຕ່ຮູບແບບການຫລິ້ນຂອງລາວຖືກຕັ້ງຄຳຖາມໃນໄລຍະຫລັງ ໂດຍສະເພາະເມື່ອລົງຫລິ້ນພາຍໃຕ້ການຄຸມທີມຂອງ ເທນ ຮາກ ທີ່ເນັ້ນການຄອບຄອງບານ ແລະ ຕັ້ງບານຈາກໜ້າປາກປະຕູຕົນເອງ.

ຂະນະທີ່ທີມຂອງ ດີເອໂກ ຊິເມໂອເນ ຫາກໍຕໍ່ສັນຍາອອກໄປຈົນເຖິງປີ 2028 ເມື່ອເດືອນກໍລະກົດທີ່ຜ່ານມາ ແຕ່ຜົນງານຂອງ ມືກາວທີມຊາດສະໂລເວນີ ຕົກລົງໄປຈາກເກ່ົາໃນລະດູການນີ້ ລວມທັງຍັງມີຂ່າວວ່າລາວອາດພິຈານາບອກລາທີມ ໃນລະດູການ ທີ່ຈະເຖິງນີ້.

ຕາມການລາຍງານຂ່າວຈາກອັງກິດລະບຸວ່າ : ໂອບລັກ ສະແດງທ່າທີຕ້ອງການຍ້າຍມາຫລິ້ນໃນພຣີເມຍລີກ ໂດຍກ່ອນໜ້າ ນີ້ລາວເຄີຍຕົກເປັນຂ່າວກັບ ເຊລຊີ, ສະເປີ ແລະ ແມນເຊສເຕີ ຢູໄນເຕັດ.