LaoApp ເປັນແອັບພຣີເຄຊັນ ແຫ່ງການສື່ສານຂອງຍຸກດິຈິຕອລ
LaoApp ເປັນແອັບພຣີເຄຊັນ ແຫ່ງການສື່ສານຂອງຍຸກດິຈິຕອລ
- ລາວແອັບແມ່ນຫຍັງ?
LaoApp ເປັນແອັບພຣີເຄຊັນ ແຫ່ງການສື່ສານຂອງຍຸກດິຈິຕອລ ທີ່ລວມທຸກຄວາມຈຳເປັນເຂົ້າມາຢູ່ໃນແອັບດຽວ, ຊ່ວຍໃຫ້ການຕິດຕໍ່ສື່ສານຂອງທ່ານງ່າຍ ແລະ ປະຢັດຂຶ້ນ, ເພີດເພີນກັບຄວາມບັນເທີງທີ່ຫຼາກຫຼາຍຮຽນຮູ້ກັບການສຶກສາແບບອອນລາຍ, ເຮັດທຸລະກຳດ້ວຍເງິນອິເລັກໂທຣນິກ,ເຂົ້າເຖິງການບໍລິການດ້ານໂທລະຄົມ ທີ່ສະດວກສະບາຍ ແລະ ການຄ້າຂາຍອອນລາຍທີ່ປອດໄພກວ່າ.
- ລາວແອັບມີປະໂຫຍດຫຍັງແດ່?
LaoApp ມີປະໂຫຍດ ດ້ານບໍລິການໃນຍຸກດິຈິຕອລຫຼາຍດ້ານເຊັ່ນ:
– ດ້ານການສື່ສານ (ສົ່ງຂໍ້ຄວາມ, ໂທແບບສຽງ, ໂທວິດີໂອ) ສະດວກ, ວ່ອງໄວ ແລ້ວສິ່ງສໍາຄັນ ຍັງສຸດປະຢັດ ສໍາລັບເບີ ເຄືອຂ່າຍ Unitel ແມ່ນບໍ່ເສຍດາຕ້າ.
– ດ້ານການບໍລິການໂທລະຄົມມະນາຄົມ (ຕື່ມມູນຄ່າໂທ, ຊື້ແພັກເກັດຕ່າງໆ, ຢືມເງິນ, ຢືມດາຕ້າ…)
– ດ້ານການສຶກສາອອນລາຍ (ຮຽນອອນລາຍ, ການສອບເສັງຜ່ານອອນລາຍ, ເຮັດບົດເຝິກຫັດ ເປັນຕົ້ນ) ຊ່ວຍໃຫ້ທ່ານສາມາດເລືອກຮຽນໄດ້ທຸກທີ່ທຸກເວລາ ພຽງແຕ່ທ່ານມີໂທລະສັບເຊື່ອມຕໍ່ອິນເຕີເນັດ ກໍສາມາດເຂົ້າຮຽນໄດ້ເລີຍ.
– ດ້ານການຄ້າອອນລາຍ (ຊື້ສິນຄ້າ ແລະ ບໍລິການ Unitel ອອນລາຍ, ໂອນ ແລະ ຊຳລະເງິນ ດ້ວຍລະບົບອອນລາຍ) ຊ່ວຍໃຫ້ທ່ານປະຢັດເວລາ ອອກໄປໃຊ້ບໍລິການສູນບໍລິການ ແລະ ຮ້ານຄ້າຕ່າງໆ.
– ດ້ານການບັນເທີງ (ເບິ່ງໜັງ, ຟັງເພງ, ວິທະຍຸ, ໂທລະພາບ, ເກມ) ແລະ ອື່ນໆ ທີ່ໃຫ້ທ່ານໄດ້ເລືອກຫຼາກຫຼາຍສີສັນທີ່ລູກຄ້າຕ້ອງການ.
- ລາວແອັບແຕກຕ່າງຈາກແອັບອື່ນແນວໃດ?
ແນ່ນອນວ່າ LaoApp ມີຈຸດເດັ່ນແຕກຕ່າງຈາກແອັບອື່ນເຊັ່ນ:
– ເປັນແອັບທີ່ສ້າງຂຶ້ນດ້ວຍຄວາມເໝາະສົມທີ່ສຸດ ສຳລັບຄົນລາວ;
ນັ້ນກໍຄື LaoApp ໄດ້ລວມເອົາບັນດາ ຟັງຊັ່ນທີ່ຈຳເປັນໃນການນຳໃຊ້ ເຂົ້າໃນວິຖີຊີວິດປະຈຳວັນ, ວັດທະນະທຳຄວາມເຄີຍຊິນ ແລະ ຄວາມມັກຮັກຂອງຄົນລາວໃນທຸກຂົງເຂດບໍ່ວ່າຈະເປັນໃນເມືອງ ຫຼື ຊົນນະບົດ ພຽງແຕ່ທ່ານມີໂທລະສັບເຊື່ອມຕໍ່ສັນຍານໂທ ລະສັບກໍສາມາດນຳໃຊ້ LaoApp ໄດ້ແລ້ວ.
– ສາມາດເຂົ້າເຖິງ ຄວາມບັນເທີງທຸກຮູບແບບ ໂດຍບໍ່ເສຍດ້າຕ້າ ບໍ່ວ່າຈະເປັນ ການຟັງເພງ, ຫຼິ້ນເກມ, ຫຼິ້ນໂຊຊ່ຽວອອນລາຍ ພາຍໃນ LaoApp, ເບິ່ງໜັງ, ເບິ່ງວິດີໂອ, ຄົ້ນຫາໝູ່ລົມຜ່ານແຊັດ…
– ໂອນເງິນຜ່ານແຊັດ ເປັນຟັງຊັ່ນໂດດເດັ່ນໃນການເຮັດທຸລະກຳໂອນເງິນ ຊ່ວຍໃຫ້ທ່ານໂອນເງິນວ່ອງໄວທັນໃຈ ບໍ່ວ່າຈະເປັນ ການຮ້ອງຂໍໂອນຈ່າຍສ່ວນຕົວ ແລະ ການຮ້ອງຂໍແບ່ງຈ່າຍເປັນກຸ່ມ (ຫຼາຍຄົນ) ໃນຈຳນວນເງິນ ແລະ ຮູບແບບແບ່ງຈ່າຍທີ່ທ່ານຕ້ອງການ.
ຕາມຂັ້ນຕອລງ່າຍດັ່ງນີ້:
- ລັອກອິນເຂົ້າLaoApp.
- ກົດທີ່ປຸ່ມຂໍ້ຄວາມດ້ານລຸ່ມ ແລ້ວເລືອກເປັນບຸກຄົນແບ່ງຈ່າຍ ຫຼື ເລືອກແບ່ງຈ່າຍເງິນແບບກຸ່ມ.
- ກົດເລືອກທີ່ປຸ່ມສັນຍາລັກum ຫຼື Umoney ຢູ່ດ້ານລຸ່ມສຸດ.
Ø ກໍລະນີໂອນຈ່າຍແບບສ່ວນຕົວ: ກໍຄືບຸກຄົນຫາບຸກຄົນ ແມ່ນກົດໄປທີ່ປຸ່ມ um ຫຼື Umoney ແລ້ວປ້ອນຈໍານວນເງິນ ແລະ ເນື້ອໃນການໂອນ ແລ້ວກົດປຸ່ມຕົກລົງ ພຽງເທົ່ານີ້ການແບ່ງຈ່າຍກໍສຳເລັດ.
Ø ກໍລະນີຮ້ອງຂໍແບ່ງຈ່າຍເປັນກຸ່ມ: ຫຼັງຈາກກົດໄປທີ່ປຸ່ມ um ຫຼື Umoney ແລ້ວຈະເຫັນ 3 ຮູບແບບການແບ່ງຈ່າຍຢູ່ດ້ານເທິງ ເຊັ່ນ: ຈ່າຍເທົ່າກັນ, ເລືອກແບ່ງຈ່າຍ ແລະ ແລນດັອມຈ່າຍ ທ່ານສາມາດເລືອກຮູບແບບການແບ່ງຈ່າຍຕາມຄວາມຕ້ອງການ ແລ້ວປ້ອນຈຳນວນເງິນທີ່ຕ້ອງການແບ່ງຈ່າຍ ພ້ອມເນື້ອໃນການແບ່ງຈ່າຍ ແລ້ວເລືອກຜູ້ຮັບຈຳນວນເງິນແບ່ງຈ່າຍ ຫຼັງຈາກນັ້ນ ກົດປຸ່ມສຳເລັດ ແລ້ວຈະລະບົບຈະສົ່ງຂໍ້ຄວາມແຈ້ງເຕືອນຫາແຕ່ລະຄົນໃນກຸ່ມ ເມື່ອແຕ່ລະຄົນກົດເຫັນດີ ຖືວ່າການແບ່ງຈ່າຍສຳເລັດ.
– Ø ຈ່າຍເທົ່າກັນ: ເປັນການແບ່ງຈ່າຍໃນຈໍານວນເງິນທີ່ເທົ່າກັນ.
ຕົວຢ່າງ: ບິນຄ່າອາຫານ 100.000 ກີບ ມາແບ່ງຈ່າຍໃຫ້ ສະມາຊິກໃນກຸ່ມມີ 5 ຄົນ ລະບົບຈະຈັດການແບ່ງຈ່າຍໃຫ້ຄົນລະ 20.000 ກີບ ເທົ່າກັນ.
– Øເລືອກແບ່ງຈ່າຍ: ເປັນການແບ່ງຈ່າຍໃນຈໍານວນເງິນທີ່ທ່ານຕ້ອງການ.
ຕົວຢ່າງ: ບິນຄ່າອາຫານ 100.000 ກີບ ມາແບ່ງຈ່າຍໃຫ້ ສະມາຊິກໃນກຸ່ມມີ 5 ຄົນ ເຮົາສາມາດກຳນົດຈຳນວນເງິນແບ່ງຈ່າຍໃຫ້ແຕ່ລະຄົນຕ່າງກັນ; ທ້າວ ກ ອາດຈະໃຫ້ຈ່າຍ 20.000 ກີບ ແຕ່ ນາງ ຂ ໃຫ້ຈ່າຍ 30.000 ກີບ ເປັນຕົ້ນ.
– Ø ແລນດັອມຈ່າຍ (ສຸ່ມຈ່າຍ): ເປັນການແບ່ງຈ່າຍແບບສຸ່ມ ເຊິ່ງລະບົບຈະສຸ່ມແບ່ງຈ່າຍແບບອັດຕະໂນມັດ ໃຫ້ກັບແຕ່ລະຄົນໃນກຸ່ມ ບາງຄົນໃນກຸ່ມອາດຈະຈ່າຍເທົ່າກັນ ຫຼື ແຕກຕ່າງກັນໄປ.
ຕົວຢ່າງ: ບິນຄ່າອາຫານ 100.000 ກີບ ມາແບ່ງຈ່າຍແບບແລນດັອມ ສະມາຊິກໃນກຸ່ມມີ 05 ຄົນ ອາດຈະໄດ້ຈ່າຍໜ້ອຍຫຼາຍຕ່າງກັນໄປ ຂອງຈຳນວນເງິນ 100.000 ກີບ.
ü Call out: ເປັນອີກໜຶ່ງຟັງຊັ່ນຫຼັກ ທີ່ມີຄວາມໂດດເດັ່ນຊ່ວຍໃຫ້ທ່ານສະດວກ, ວ່ອງໄວ້ໃນການໂທສື່ສານໃນຮູບແບບສຽງ ແລະ ວີດີໂອ.
Ø ພຽງແຕ່ເຂົ້າໄປ LaoApp ເລືອກໄອຄອນ ໂທອອກ ກົດໂທຕາມຄວາມຕ້ອງການ.
– Sms out ເປັນຟັງຊັ່ນທີ່ຊ່ວຍໃຫ້ທ່ານໄດ້ສື່ສານກັນດ້ວຍການສົ່ງຂໍ້ຄວາມ (SMS) ແບບຕົວໜັງສື, ຂໍ້ຄວາມສຽງ ແລະ ຂໍ້ມູນເອກະສານຕ່າງໆອີກດ້ວຍ.
Ø ພຽງແຕ່ເຂົ້າໄປ LaoApp ເລືອກແທບຂໍ້ຄວາມດ້ານລຸ່ມ.
– ນຳໃຊ້ໂດຍບໍ່ເສຍດາຕ້າເປັນອີກຄຸນສົມບັດທີ່ໂດດເດັ່ນຂອງແອັບເພາະໃນການນຳໃຊ້ຟັງຊັນຂອງ LaoApp ນັ້ນທ່ານຈະບໍ່ເສຍດາຕ້າເລີຍ ແຖມຍັງເປັນການປະຢັດລາຍຈ່າຍຊື້ແພັກເກັດດາຕ້າອີກດ້ວຍ.
- ໂປໂມຊັນມີຫຍັງແດ່?
– LaoApp ມອບໂປຣໂມຊັ່ນ Call Out ດີໆ (ຮັບທັນທີ 25 ນາທີ ໂທອອກຟຮີ ແລະ ດາຕ້າ 500 MB ສໍາລັບລູກຄ້າທີ່ສະມັກ LaoApp ໃໝ່).
- ວິທີການນຳໃຊ້ລາວແອັບ?
ວິທີການດາວໂຫຼດ ແລະ ລົງທະບຽນນຳໃຊ້LaoApp ມີພຽງ 05 ຂັ້ນຕອລງ່າຍໆດັ່ງນີ້: - ເຂົ້າໄປທີAppstore ຫລື Playstore.
- ພິມໃສ່ຫ້ອງ ຄົ້ນຫາ:LaoApp ກົດດາວໂຫຼດ.
- ກົດເຂົ້າແອັບ ລະບົບຈະໃຫ້ ປ້ອນ ໝາຍເລກ .
- ລໍຖ້າ ລະບົບສົ່ງເລກOTP ຜ່ານຊ່ອງທາງ ຂໍ້ຄວາມ SMS.
- ເມື່ອຢືນຢັນລະຫັດOTP ສໍາເລັດແລ້ວ ໃຫ້ປ້ອນ ຂໍ້ມູນສ່ວນໂຕ ໃຫ້ຄົບທຸກຂັ້ນຕອລ ແລ້ວກົດສືບຕໍ່.
