ສະຫະພັນບານເຕະອິຕາລີ ສ່ົງກຳມະການຍິງຄົນທຳອິດລົງເປ່ົາເກມລີກເປັນປະຫວັດສາດ

ຖືເປັນເລື່ອງປະຫວັດສາດອີກໜ້າຫນຶ່ງຂອງວົງການບານເຕະໃນອິຕາລີ ເມື່ອ ສະຫະພັນບານເຕະອິຕາລີ ກຽມສົ່ງຜູ້ຕັດສິນຍິງລົງ ເຮັດໜ້າທີ່ໃນເກມລີກ ພ້ອມເຜີຍເກມທີ່ຈະເຮັດໜ້າທີ່.

ເອີ້ນໄດ້ວ່າເປັນເລື່ອງປະຫວັດສາດອີກໜ້າຫນຶ່ງຂອງວົງການບານເຕະອິຕາລີ ເມື່ອສະຫະພັນບານເຕະອິຕາລີ ກຽມສົ່ງ ມາເຣຍ ໂຊເລ ແຟຣເອຣີ ຄາປູຕິ ຜູ້ຕັດສິນຍິງລົງເຮັດໜ້າທີ່ໃນການແຂ່ງຂັນ ກັລໂຊ ເຊເຣຍອາ ອິຕາລີ ໂດຍຈະລົງເຮັດໜ້າທີ່ໃນເກມລະ ຫວ່າງ ຊາສຊູໂອໂລ ກັບ ຊາແລນິຕານາ ໃນວັນອາທິດທີ່ຈະເຖິງນີ້.

ສຳລັບ ມາເຣຍ ໂຊເລ ແຟຣີເອຣີ ຄາປູຕິ ເລີ່ມຕົ້ນຖະໜົນເສັ້ນທາງການເປັນຜູ້ຕັດສິນໃນລີກທ້ອງຖິ່ນເມື່ອປີ 2007 ຈາກນັ້ນກໍສາ ມາດເລື່ອນຂຶ້ນມາຕັດສິນເກມໃນລີກທີ່ສູງຂຶ້ນເລື້ອຍໆ ເຊັ່ນ : ກັລໂຊ ເຊເຣຍດີ ແລະ ກັລໂຊ ເຊເຣຍຊີ ຈາກນັ້ນເລື່ອນຂຶ້ນມາເຮັດ ໜ້າທີ່ໃນ ກັລໂຊ ເຊເຣຍບີ ທັງຍັງໄດ້ລົງເຮັດໜ້າທີ່ໃນ ໂຄບປາ ອິຕາເລຍ ຄູ່ລະຫວ່າງ ກາຢາຣີ ພົບ ຊິດຕາເດລລາ ນອກຈາກນີ້ໃນປີ 2019 ຍັງເຄີຍລົງເຮັດໜ້າທີ່ໃນເກມລະດັບນາໆຊາດມາແລ້ວໃນເສິກ ບານເຕະຢູໂຣ ປະເພດທີມຍິງ ໂດຍເປັນຮອບຄັດເລືອກ.

ທັງນີ້ ອັລເຟຣໂດ ເທຣນທາລັນເກ ປະທານສະຫະພັນບານເຕະອິຕາລີ ທີ່ເຄີຍເປັນອະດີດຜູ້ຕັດສິນ ເຊເຣຍອາ ອອກມາຖະແຫລ່ງ ດ້ວຍໃຈຄວາມທີ່ວ່າ : ‘‘ມາເຣຍ ໂຊເລ ແຟຣີເອຣີ ຄາປູຕິ ຈະໄດ້ລົງເຮັດໜ້າທີ່ໃນເກມ ກັລໂຊ ເຊເຣຍອາ ລາວສົມຄວນທີ່ໄດ້ຮັບໂອ ກາດນີ້ເມື່ອທຽບກັບຄວາມສາມາດທີ່ມີ ເຮົາພວມຈະໄດ້ພົບກັບໄລຍະເວລາປະຫວັດສາດຮອບ 110 ປີ ຂ້ອຍຂໍຂອບໃຈທຸກຝ່າຍທີ່ ກ່ຽວຂ້ອງທີ່ໃຫ້ຄວາມຫມັ້ນໃນ ແລະ ເຊື່ອຫມັ້ນໃນຕົວຂອງລາວ ມັນບໍ່ແມ່ນການໃຫ້ສິດພິເສດກັບໃຜຄົນໃດຫນຶ່ງ ແຕ່ລາວຄວນ ໄດ້ຮັບໂອກາດນີ້ແທ້ໆ ’’.