ຜົນກະທົບຂອງພາຍຸ ໂນຣູ ພັດຖະຫລົ່ມຫວຽດນາມ ສົ່ງຜົນໃຫ້ບ້ານເຮືອນເສຍຫາຍ ຕົ້ນໄມ້ຫັກ ທາງການຍັງແຈ້ງເຕືອນນ້ຳຖ້ວມ- ດິນຖະຫລົ່ມ
September 28, 2022 - 4:15 PM
ໃນຕອນເຊົ້າ ຂອງວັນທີ 28 ກັນຍານີ້ ໄຕ້ຝຸ່ນ ໂນຣູ ອ່ອນກຳລັງລົງເປັນພາຍຸໂຊນຮ້ອນ ຫລັງພັດຖະຫລົມແຂວງ ກວ໋າງນາມ ຂອງປະເທດຫວຽດນາມ ໂດຍອິດທິພົນຂອງພາຍຸ ສົ່ງຜົນໃຫ້ເກີດຝົນຕົກໜັກ ແລະ ມີລົມພັດແຮງ ເຮັດໃຫ້ຕົ້ນໄມ້ ແລະ ປ້າຍໂຄສະນາຫັກ, ບ້ານເຮືອນປະຊາຊົນຫລາຍຮ້ອຍຫລັງຄາຖືກລົມພາຍຸພັດປິວເສຍຫາຍ, ຂະນະທີ່ທາງການຍັງເຕືອນໃຫ້ປະຊາຊົນລະມັດລະວັງອັນຕະລາຍຈາກນ້ຳຖ້ວມ ແລະ ດິນຖະຫລົ່ມ ເນື່ອງຈາກຍັງມີຝົນຕົກໃນຫລາຍພື້ນທີ່.
