ສິດທິເດດ ໝັ້ນໃຈຈະຄວ້າຫຼຽນໃດໜຶ່ງໃຫ້ທັບນັກກິລາສະນຸກເກີລາວ ໃນກົວລາລຳເປີ ເກມ

ທ້າວ ສິດທິເດດ ສັກບຽງ ຫຼື ສົມຍານາມ ຂີ້ກ້ຽມເຈົ້າ ຂອງຫຼຽນເງິນ ມຽນມາ ເກມ 2013 ນັກກິລາສະນຸກເກີ ທີມ ຊາດລາວ ໝັ້ນໃຈຈະພາຄິວຄູ່ ໃຈປາບນັກກິລາທຸກຊາດ ຫວັງຈະຄວ້າຫຼຽນໃດຫຼຽນ ໜຶ່ງ ໃຫ້ທັບນັກກິລາລາວ ໃນ ການແຂ່ງຂັນກິລາບີນລຽດ- ສະນຸກເກີ ງານມະຫະກຳກິລາ ຊີເກມ ຄັ້ງທີ 29 ຫຼື ກົວລາລຳ ເປີ ເກມ ທີ່ປະເທດມາເລເຊຍ ຮັບກຽດເປັນເຈົ້າພາບ ລະ ຫວ່າງວັນທີ 19-30 ສິງ 2017.
ຕາມການໃຫ້ສຳພາດ ຂອງ ທ້າວ ສິດທິເດດ ສັກ ບຽງ ໃຫ້ຮູ້ວ່າ: ດຽວນີ້ມີ ຄວາວມພ້ອມເຕັມທີ່ເກີນຮ້ອຍ ແລະ ຮີບຮ້ອນໃຈຢາກລົງສະ ໜາມແຂ່ງຂັນຢ່າງເຕັມທີ ບໍ່ ວ່າຈະພົບກັບນັກກິລາຊາດໃດກໍຕາມ ທຸກນັດທຸກເກມຈະສູ້ ຢ່າງສຸດຂີດຈະໃຊ້ສະມາທິ ແລະ ປະສົບການບົດຮຽນທີ່ ໄດ້ຜ່ານມານຳໃຊ້ໃຫ້ເປັນປະ ໂຫຍດສູງສຸດ ເພື່ອເຮັດໃຫ້ ຄວາມຫວັງທີ່ຢາກຈະຄວ້າ ຫຼຽນໃດຫຼຽນໜຶ່ງໃຫ້ທັບນັກກິລາລາວ ໃນງານມະຫະກຳກິ ລາຊີເກມ ຄັ້ງທີ 29 ທີ່ປະເທດ ມາເລເຊຍ.
ສຳລັບໂປຣແກຣມການແຂ່ງຂັນກິລາສະນຸກເກີ ຈະມີ ຂຶ້ນໃນລະຫວ່າງວັນ 23-27 ສິງຫາ 2017 ເຊິ່ງມີຊີງໄຊ ຫຼຽນຄຳກັນທັງໝົດ 7 ລາຍ ການປະກອບມີ ສະນຸກເກີ ດ່ຽວຊາຍ ແລະ ທີມຄູ່ຊາຍ, ບີນລຽດດ່ຽວຊາຍ, ບີນລຽດ ທີມຄູ່, ຟູລດ່ຽວຊາຍ ແລະ ຟູລ ທີມຊາຍ ລາວສົ່ງເຂົ້າຮ່ວມ ແຂ່ງຂັນ 4 ລາຍການ ຈາກ ປະເພດສະນຸກເກີ 15 ແດງ ດ່ຽວຊາຍ ແລະ ທີມຄູ່ຊາຍ ເຊິ່ງມີ 11 ປະເທດເຂົ້າຮ່ວມ ຄື: ສປປ ລາວ, ຫວຽດນາມ, ມຽນມາ, ອິນໂດເນເຊຍ, ສິງ ກະໂປ, ຟິລິບປິນ, ກຳປູເຈຍ, ຕີມໍ ເລສເຕ, ບຣູໄນ, ໄທ ແລະ ເຈົ້າພາບ ມາເລເຊຍ, ໃນນັ້ນ ປະເພດດ່ຽວຊາຍມີນັກກິລາ 16 ຄົນເຂົ້າຮ່ວມ ແລະ ສິດທິ ເດດ ສັກບຽງ ຈັບສະຫຼາກພົບ ກັບ ອາດີ ເຈີບີ ນັກກິລາຈາກ ອິນໂດເນເຊຍ ໃນວັນທີ 25 ສິງຫານີ້ ທີ່ສູນກິລາ ເຄແອວ ຊີຊີ ຫໍ 8 ນະຄອນຫຼວງກົວລາ ລຳເປີ ປະເທດມາເລເຊຍ ຖ້າ ຫາກ ສິດທິເດດ ສາມາດເອົາ ຊະນະໃນເກມນີ້ ກໍຈະຜ່ານເຂົ້າ ໄປຫຼິ້ນໃນຮອບ 8 ຄົນສຸດທ້າຍ ຢືນລໍຖ້າຜົນການແຂ່ງຂັນລະຫວ່າງ ສິງກະໂປ ແລະ ຫວຽດນາມ.
ຂ່າວຈາກ:laosportnews.com.