ລັດຖະມົນຕີກະຊວງການຕ່າງປະເທດຈີນ ກ່າວປາຖະກະຖາໃນສະມັດຊາໃຫຍ່ອົງການສະຫະປະຊາຊາດຄັ້ງທີ 77 ທີ່ສະຫະລັດອາເມຣິກາ
ສຳນັກຂ່າວ CRI ລາຍງານວ່າ: ວັນທີ 24 ກັນຍາ 2022 ຜ່ານມາ, ທ່ານ ວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ ໄດ້ເຂົ້າຮ່ວມກອງປະຊຸມອະພິປາຍທົ່ວໄປຂອງສະມັດຊາໃຫຍ່ອົງການສະຫະປະຊາຊາດຄັ້ງທີ 77 ທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດທີ່ນະຄອນນີວຢອກປະເທດອາເມຣິກາ ໂດຍໄດ້ກ່າວປາຖະກະຖາພາຍໃຕ້ຫົວຂໍ້ວ່າ “ທຳຄວາມພະຍາຍາມເພື່ອສັນຕິພາບ ແລະ ການພັດທະນາ ແບກຫາບໜ້າທີ່ເພື່ອຄວາມສາມັກຄີ ແລະ ຄວາມກ້າວໜ້າ”.
ທ່ານ ວາງຢີ້ ກ່າວວ່າ: ນີ້ແມ່ນຍຸກສະໄໝທີ່ເຕັມໄປດ້ວຍສິ່ງທ້າທາຍ ໂລກໄດ້ເຂົ້າສູ່ໄລຍະທີ່ປັ່ນປ່ຽນ ແລະ ປ່ຽນແປງໃໝ່, ການປ່ຽນແປງຂະໜາດໃຫຍ່ໃນຮອບຮ້ອຍປີພວມເລັ່ງຄວາມໄວຂະຫຍາຍຕົວ ນີ້ກໍ່ແມ່ນຍຸກສະໄໝທີ່ເຕັມໄປດ້ວຍຄວາມຫວັງ ສັນຕິພາບ ແລະ ການພັດທະນາ ໃນຖານະທີ່ເປັນຫົວຂໍ້ຂອງຍຸກສະໄໝນັ້ນບໍ່ໄດ້ປ່ຽນແປງ, ຄວາມປາດຖະໜາຂອງປະຊາຊົນປະເທດຕ່າງໆ ທີ່ສະແຫວງຫາຄວາມກ້າວໜ້າ ແລະ ຊຸກຍູ້ການຮ່ວມມືນັ້ນແຮງຂຶ້ນກວ່າເກົ່າ.
ໃນຖານະທີ່ເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ ແລະ ປະເທດພວມພັດທະນາທີ່ໃຫຍ່ທີ່ສຸດໃນໂລກ, ຈີນຈະເດັດດ່ຽວຢືນຢູ່ຄຽງຂ້າງຄວາມສາມັກຄີ ແລະ ການຮ່ວມມື, ຢືນຢູ່ຄຽງຂ້າງກະແສຍຸກສະໄໝ, ແລະ ຢືນຢູ່ຄຽງຂ້າງຜົນປະໂຫຍດຮ່ວມຂອງປະເທດສ່ວນຫຼາຍທີ່ສຸດ. ຈີນເປັນຜູ້ກໍ່ສ້າງສັນຕິພາບໂລກ, ເປັນຜູ້ປະກອບສ່ວນເພື່ອການພັດທະນາຂອງໂລກ, ເປັນຜູ້ຮັກສາລະບຽບສາກົນ, ເປັນຜູ້ສະໜອງຜະລິດຕະພັນສາທາລະນະ ແລະ ເປັນຜູ້ໄກ່ເກ່ຍບັນຫາເຄັ່ງຮ້ອນຢ່າງສະເໝີຕົ້ນສະເໝີປາຍ.
ທ່ານ ວາງຢີ້ ຍັງກ່າວຕື່ມວ່າ: ໂດຍຜະເຊີນໜ້າກັບສິ່ງທ້າທາຍຕ່າງໆໃນສະເພາະໜ້ານີ້, ທ່ານປະທານສີຈີ້ນຜິງໄດ້ສະເໜີຂໍ້ລິເລີ່ມການພັດທະນາທົ່ວໂລກ ໂດຍຮຽກຮ້ອງໃຫ້ກໍ່ສ້າງປະຊາຄົມຮ່ວມການພັດທະນາທົ່ວໂລກ. ນອກນັ້ນ ເພິ່ນຍັງໄດ້ສະເໜີຂໍ້ລິເລີ່ມຄວາມໝັ້ນຄົງທົ່ວໂລກ ເຊິ່ງເປັນການປະກອບສ່ວນສະຕິປັນຍາຈີນເພື່ອແກ້ໄຂບັນຫາສັນຕິພາບ ແລະ ສະໜອງແຜນການຂອງຈີນເພື່ອຮັບມືກັບສິ່ງທ້າທາຍດ້ານຄວາມໝັ້ນຄົງສາກົນ.
ໃນຕອນທ້າຍ ທ່ານໄດ້ກ່າວວ່າ: ກອງປະຊຸມໃຫຍ່ຜູ້ແທນພັກຄອມມູນິດຈີນຄັ້ງທີ 20 ຈະຈັດຂຶ້ນໃນໄວໆນີ້ ເຊິ່ງຈະຍຶດຖືຄວາມປາດຖະໜາຂອງປະຊາຊົນຈີນທຸກຖ້ວນໜ້າ, ຈັດວາງໜ້າທີ່ເປົ້າໝາຍການພັດທະນາດຂອງຈີນໃນ 5 ປີ ຈົນເວລາດົນກວ່ານີ້ໃນອະນາຄົດ. ເມື່ອຢືນຢູ່ຈັດເລີ່ມຕົ້ນໃໝ່ຄັ້ງປະຫວັດສາດ, ຈີນຈະບັນລຸໃຫ້ຊົນຊາດຈີນຟື້ນຟູຄວາມຈະເລີນຮຸ່ງເຮືອງຢ່າງຍິ່ງໃຫຍ່ດ້ວຍຄວາມທັນສະໄໝແບບຈີນ ແລະ ຮ່ວມກັບປະເທດຕ່າງໆໃນໂລກ, ທຳຄວາມ
