ລີເວີພູລ ກຽມຕໍ່ສັນຍາ ເກອິຕາ ກັນນັກເຕະຍ້າຍທີມຟຣີ

ລີເວີພູລ ມີແຜນຕໍ່ສັນຍາໃຫ້ກັບດາວເຕະທີມຊາດ ກີນີ ເຖິງວ່າລາວຈະມີບັນຫາອາການບາດເຈັບລົບກວນຢ່າງຕໍ່ເນື່ອງ ນັບຕັ້ງແຕ່ຍ້າຍມາລີເວີພູລ ເມື່ອເດືອນສິງຫາ 2017 ໃນລາຄາ 50 ລ້ານປອນ ເນື່ອງຈາກນັກເຕະພວມຈະຫມົດ ສັນຍາໃນໄລຍະລະດູການນີ້ ແລະ ສະໂມສອນພວມຂາດແຄນນັກເຕະໃນແດນກາງນຳອີກ.

ຕໍ່ບັນຫາດັ່ງກ່າວ ເຈີເກັນ ຄລອບ ຜູ້ຈັດການທີມຊາວເຢຍລະມັນຈັດການຢືມ ອາຕູ ເມໂລ ມາຈາກ ຢູເວນຕຸສ ແຕ່ກໍເປັນ ການແກ້ໄຂສະຖານະການໄລຍະສັ້ນເທົ່ານັ້ນ ແລະ ດາວເຕະບຣາຊິລ ຍັງບໍ່ມີບົດບາດກັບທີມເລີຍ ໂດຍມັກຈະເຫັນ ເຈມ ມິລເນີ ດາວເຕະອາຍຸ 38 ປີຖືກສົ່ງລົງສະໜາມຫລາຍເຖິງ 8 ນັດ ໃນລະດູການນີ້.

ສຳລັບ ເກອິຕາ ອາຍຸ 27 ປີ ປັດຈຸບັນຍັງເຈັບກ້າມຊີ້ນຕົ້ນຂາດ້ານຫລັງ ເມື່ອລະດູການກ່ອນລາວໄດ້ລົງສະໜາມເປັນ ຕົວຈິງໃນເກມພຣີເມຍລີກພຽງ 14 ເກມເທົ່ານັ້ນ ລວມເປັນເວລາທີ່ຢູ່ໃນສະໜາມທັງຫມົດ 1,175 ນາທີ.

ຂະນະດຽວກັນ ຈາກການລົ້ມເຈັບຫລາຍຄັ້ງເຮັດໃຫ້ ເກອິຕາ ພາດລົງສະໜາມໃຫ້ ລີເວີພູລ ໄປແລ້ວກວ່າ 70 ນັດ ແຕ່ຫລ້າສຸດຄາດວ່າລາວພວມຈະໄດ້ສັນຍາໃຫມ່ຈາກຕົ້ນສັງກັດຢ່າງທີ່ ຄລອບ ເຄີຍຢືນຢັນຕໍ່ສື່ກ່ອນປິດຕະ ຫລາດໃນລະດູການຜ່ານມາວ່າບໍ່ຄິດຂາຍລາວຕາມທີ່ມີຂ່າວລື ຫາກສະໂມສອນບໍ່ໄດ້ດຶງໃຜມາສຽບແທນກ່ອນ.