ຊາຍໜຸ່ມເດີນໄກຈາກນະຄອນຫລວງ ຖືກກັກຕົວຢູ່ປາກເຊ ພ້ອມຂອງກາງຢາບ້າ 24.000 ເມັດ
September 23, 2022 - 11:22 AM
ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ:
ວັນທີ 17 ກັນ 2022 ເຈົ້າໜ້າທີ່ວິຊາສະເພາະ ໄດ້ຮັບການລາຍງານກຸ່ມຄົນບໍ່ດີເຄື່ອນໄຫວຄ້າ-ຂາຍຢາເສບຕິດຢູ່ເຂດບ້ານ ໂພນສະອາດ ນະຄອນປາກເຊ ແຂວງຈຳປາສັກ ຈິ່ງໄດ້ສົມທົບກັບພາກສ່ວນທີ່ກ່ຽວຂ້ອງ ລົງມ້າງຄະດີລາຍດັ່ງກ່າວ ສາມາດກັກຕົວຜູ້ຖືກຫາໄດ້ 1 ຄົນ ຊື່: ທ້າວ ໂອເລ້ ນໍລະສິນ ອາຍຸ 28 ປີ, ກຳມະກອນ ຢູ່ບ້ານໜອງບົວທອງ ເມືອງສີໂຄດຕະບອງ ນະຄອນຫຼວງວຽງຈັນ ພ້ອມເຄື່ອງຂອງກາງຢາເສບຕິດປະເພດຢາບ້າ 24000 ເມັດ, ໂທລະສັບ 02 ໜ່ວຍ, ເງິນກີບ 100 000 ກີບ ແລະ ເຄື່ອງຂອງຕິດຕົວອີກຈຳນວນໜຶ່ງມາດຳເນີນຄະດີ.
ສຳລັບຄະດີດັ່ງກ່າວປັດຈຸບັນນີ້ ຍັງຢູ່ໃນຂັ້ນຕອນດຳເນີນການສືບສວນ-ສອບສວນຜູ້ກ່ຽວ ເພື່ອຊອກຫາແຫຼ່ງທີ່ມາຂອງຢາເສບຕິດ ແລະ ເພື່ອຊອກຫາຜູ້ຮ່ວມຂະບວນການນຳກັນມາດຳເນີນຄະດີຕໍ່ໄປ.
