Rockstar ຢືນຢັນວິດິໂອຕົວຢ່າງຫລຸດອອກມາ ຂອງເກມ GTA 6 ເປັນຂອງຈິງ ທີ່ກຳລັງຢູ່ໃນຊ່ວງ ລະຫວ່າງການພັດທະນາ ແຕ່ບໍ່ມີຜົນກະທົບຫຍັງ

ຈາກຂ່າວທີ່ສ້າງຄວາມຮືຮາໃຫ້ກັບ ເກມເມີ ທົ່ວໂລກ ກັບການຫລຸດຄັ້ງໃຫຍ່ຂອງ ຟຸດເທດ ເກມທີ່ມີລັກສະນະຄ້າຍຄື GTA ຫລື Grand Thef Auto ໃນພາກທີ 6 ທີ່ກຳລັງພັດທະນາ. ເຊິ່ງຖືວ່າເປັນການຫລຸດຄັ້ງປະຫວັດສາດໃນວົງການເກມ. ເນື່ອງຈາກມີຄລິບວິດີໂອຫລານກວ່າ 90 ກວ່າວິດີໂອຮົ່ວໄຫຼອອກມາ ເຊິ່ງລາຍລະອຽດຂອງເນື້ອຫາເກມພໍສົມຄວນ, ທາງ Rockstar Games ຫລື ຄ້າຍຂອງ GTA ໄດ້ອອກຖະແຫລງການຢ່າງເປັນທາງການວ່າຂໍ້ມູນທີ່ຖືກຮົ່ວອອກມານັ້ນແມ່ນຂອງຈິງ. ​ແຕ່​ຢືນຢັນ​ວ່າ​ບໍ່​ມີ​ຜົນ​ກະທົບ​ຕໍ່​ການ​ພັດທະນາ​ເກມ​ຢ່າງ​ແນ່ນອນ ແລະ ພ້ອມທີ່ຈະປັບປຸງລາຍລະອຽດຂອງເກມໃນອະນາຄົດເມື່ອພ້ອມ

ສຳລັບເນື້ອໃນຂອງ GTA 6 ນັ້ນບໍ່ໄດ້ຖືກອະທິບາຍອອກມາຢ່າງເປັນທາງການ. ແຕ່ຈາກທີ່ແຟນໆຫລາຍຄົນໄດ້ເຫັນຄລິບທີ່ຫລູດອອກມາເຫຼົ່ານີ້, ສາມາດເວົ້າໄດ້ວ່າເກມອາດມີເນື້ອຫາກ່ຽວຂ້ອງກັບ Vice City ຫລຶ ເມືອງຫາດຊາຍເຊັ່ນ ໄມອາມີ່ ແນ່ນອນ

ທີ່ມາ : Rockstar Games