ພຣີເມຍລີກ ອອກກົດໃຫມ່ຫ້າມແຟນບານລົງສະໜາມ ຫາກຝ່າຝືນຈະຖືກລົງໂທດ 1 ປີ
ສະໂມສອນໃນພຣີເມຍລີກ ອັງກິດ ມີມະຕິເອກະພາບ ກຽມລົງໂທດແຟນບານ 1 ປີ ຫາກເຮັດສິ່ງເຫລົ່ານີ້ໃນສະໜາມ.
ຄວາມເຄື່ອນໄຫວຫລັງຈາກທີ່ບັນດາສະໂມສອນໃນພຣີເມຍລີກ ອັງກິດ ໄດ້ມີການປະຊຸມກັນເມື່ອວັນພຸດທີ່ຜ່ານມາ ກ່ຽວກັບປະເດັນບົດລົງໂທດແຟນບານທີ່ກໍ່ຄວາມວຸ້ນວາຍໃນສະໜາມ.
ຫລັງການປະຊຸມ ທຸກສະໂມສອນເຫັນກົງກັນວ່າຫາກແຟນບານຄົນໃດທີ່ແລ່ນໄປໃນສະໜາມໂດຍບໍ່ໄດ້ຮັບອະນຸຍາດ, ຄອບຄອງ ຫລື ຈູດດອກໄມ້ໄຟ ຫລື ລະເບີດຄວັນ ຫລື ນຳເຂົ້າໄປໃນສະໜາມ ຈະຖືກສະໂມສອນສັ່ງລົງໂທດຫ້າມເຂົ້າຊົມການແຂ່ງຂັນໃນ ສະໜາມເປັນເວລາ 1 ປີ ໂດຍນະໂຍບາຍດັ່ງກ່າວມີຜົນບັງຄັບໃຊ້ທັນທີ ແລະ ການລົງໂທດກໍມີຜົນທັງເກມຮັບ ແລະ ເກມຢາມ.
ສຳລັບກົດດັ່ງກ່າວອອກມາເພື່ອຄວາມເປັນລະບຽບຮຽບຮ້ອຍ ແລະ ຮອງຮັບຄວາມປອດໄພໃນສະໜາມ ຫລັງກ່ອນໜ້ານີ້ ເຄີຍມີຫລາຍໆກໍລະນີ ເຊັ່ນ : ປາທຣິກ ວິເອຣາ ຜູ້ຈັດການທີມ ຄຣິສຕັລ ພາເລດ ໄລ່ເຕະແຟນບານເອຟເວີຕັນ ທີ່ແລ່ນ ລົງມາໃນສະໜາມກູດິສັນ ປາກ ແລະ ເວົ້າຮຽນແບບລາວ ຫລັງຈົບເກມທີ່ ພາເລດ ເສຍໃຫ້ ເອຟເວີຕັນ ໄປ 2-3 ເມື່ອລະດູການຜ່ານມາ.
