ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງອຸດົມໄຊ

- 308047806 1989365384600565 8680195578670784719 n - ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງອຸດົມໄຊ
- kitchen vibe - ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງອຸດົມໄຊ
ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະເ ຮັດວຽກຢູ່ແຂວງອຸດົມໄຊ ໃນວັນທີ 19 ກັນຍາ 2022 ຜ່ານມາ, ໂດຍໄດ້ຮັບການຕ້ອນຮັບຈາກ ທ່ານ ບຸນຄົງ ຫລ້າຈຽມພອນ ເຈົ້າແຂວງອຸດົມໄຊ ພ້ອມດ້ວຍຄະນະນຳຂອງແຂວງ. ພ້ອມທັງໄດ້ໄດ້ລາຍງານສະພາບລວມຂອງແຂວງໂດຍຫຍໍ້ ໂດຍສເພາະແມ່ນ ວຽກງານການນຳພາ-ຊີ້ນຳ ຮອບດ້ານຂອງແຂວງ ໃນໄລຍະ 8 ເດືອນທີ່ຜ່ານມາ ເປັນຕົ້ນ ວຽກງານຜັນຂະຫຍາຍແນວທາງນະໂຍບາຍຂອງພັກ, ວຽກງານໂຄສະນາສຶກສາອົບຮົມການເມືອງແນວຄິດ, ວຽກງານກໍສ້າງພັກ-ພະນັກງານ, ວຽກງານປັບປຸງກົງຈັກການຈັດຕັ້ງ, ວຽກງານກວດກາ, ວຽກງານຈັດຕັ້ງປະຕິບັດແຜນພັດ ທະນາເສດຖະກິດສັງຄົມ ແລະ ວຽກງານອື່ນໆ, ພ້ອມທັງໄດ້ລາຍງານສະພາບໄພນໍ້າຖ້ວມຢູ່ແຂວງອຸດົມໄຊ ໄລຍະລະດູຝົນທີ່ຜ່່ານມາ.
ທ່ານປະທານ ສນຊ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສໍາເລັດທີ່ແຂວງສາມາດຍາດໄດ້ໃນໄລຍະຜ່ານມາ, ພ້ອມທັງໄດ້ຕາງໜ້າຄະນະກໍາມະການສູນກາງແນວລາວສ້າງຊາດ ສະແດງຄວາມເຫັນໃຈຕໍ່ແຂວງອຸດົມໄຊ ທີ່ໄດ້ຖືກໄພນ້ຳຖ້ວມໃນຄັ້ງນີ້ ເປັນຕົ້ນ ເມືອງໄຊ, ເມືອງຫລາ, ເມືອງນາໝໍ້ ແລະ ເມືອງງາ. ພ້ອມນີ້, ທ່ານຍັງໄດ້ໃຫ້ທິດຊີ້ນໍາໂດຍເນັ້ນ ໃຫ້ສືບຕໍ່ສຶກສາອົບຮົມ, ປຸກລະດົມປະຊາຊົນລາວບັນດາເຜົ່າ ໃຫ້ມີຄວາມສາມັກຄີປອງດອງ ຊ່ວຍເຫລືອເຊິ່ງກັນ ແລະ ກັນ, ປຸກລະດົມປະຊາຊົນທຳການຜະລິດເປັນສິນຄ້າ, ໃຫ້ສຶກສາຄົ້ນຄວ້າຄວາມເປັນໄດ້ ໃນດ້ານການລົງທຶນສ້າງບັນດາໂຄງການຕ່າງໆ ເພື່ອສ້າງລາຍຮັບ ແລະ ແກ້ໄຂຊີວິດການເປັນຢູ່ຂອງປະຊາຊົນລາວ ບັນດາເຜົ່າຢູ່ພາຍໃນແຂວງ ໃຫ້ນັບມື້ດີຂຶ້ນ ແລະ ໄດ້ມອບເງິນສົດ, ເຄື່ອງໃຊ້ທີ່ຈໍາເປັນຈໍານວນໜຶ່ງ ລວມມູນຄ່າ 150 ກວ່າລ້ານກີບ ໃຫ້ແຂວງອຸດົມໄຊ ເພື່ອນຳໄປມອບຕໍ່ໃຫ້ປະຊາຊົນຢູ່ບັນດາເມືອງ ທີ່ໄດ້ຮັບຜົນກະທົບຈາກໄພທຳມະຊາດນ້ຳຖ້ວມ.
อาจเป็นรูปภาพของ 12 คน และ ผู้คนกำลังยืน  - 308094618 1989365504600553 5575300979648226233 n - ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງອຸດົມໄຊ
- 3 - ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງອຸດົມໄຊ
error: <b>Alert:</b> ເນື້ອຫາຂ່າວມີລິຂະສິດ !!