ອ້າຍ ປ໊ອກບາ ຖືກຕັ້ງຂໍ້ຫາຂູ່ນ້ອງຊາຍແລກເງິນຈຳນວນຫລາຍ

ມາທິອັສ ປ໊ອກບາ ອ້າຍຂອງ ພອລ ປ໊ອກບາ ດາວຍິງຄົນດັງຊາວຝຣັ່ງຂອງ ຢູເວນຕຸສ ບໍ່ລວດຖືກຄວບຄຸມຕົວ ແລະ ຖືກຕັ້ງຂໍ້ຫາແລ້ວ ຫລງັຈາກທີ່ຂົ່ມຂູ່ຊີງຊັບນ້ອງຊາຍແທ້ໆເພື່ອແລກເງິນຈຳນວນຫລາຍ.

ກ່ອນໜ້ານີ້ ມາທິອັສ ປ໊ອກບາ ເຄີຍອອກມາອັດວີດີໂອເຜີຍແຜ່ສັງຄົມອອນລາຍມາແລ້ວ ດ້ວຍການບອກວ່ານ້ອງຊາຍ ແທ້ໆໂດຍສາຍເລືອດຕົວເອງ ຈ້າງຫມໍຜີເພື່ອໃຫ້ສາບໃຫ້ ຄີລຽນ ເອັມບັບເປ ນັກເຕະຫມູ່ຮ່ວມທີມຈາກສະໂມສອນ ປາຣີສ ແຊັງ ແຊັກແມັງ ໃຫ້ບາດເຈັບ ແລະ ບໍ່ໃຫ້ເດ່ັນດັງໄປກວ່າຕົນ ລວມເຖິງຍັງຈະເປີດເຜີຍເລື່ອງລັບໃຫ້ຄົນທັງໂລກໄດ້ຮັບຮູ້ໂດຍທົ່ວກັນ.

ແນວໃດກໍຕາມ ພອລ ປ໊ອກບາ ກໍອອກມາປະຕິເສດວ່າບໍ່ໄດ້ຈ້າງຫມໍຜີເພື່ອໃຫ້ຊ່ວຍປັດເປ່ົາອາການ ບາດເຈັບຂອງລາວ ຫລາຍກວ່າ ລວມເຖິງຍັງລະບຸວ່າລາວຖືກກຸ່ມຫມູ່ໃນໄວເດັດທີ່ມີອ້າຍຂອງລາວຢູ່ຕາມຂົ່ມເຫັງຫລາຍຄັ້ງ ໂດຍທີ່ຄັ້ງຫນຶ່ງເຄີຍຂູ່ໄຖ ເງິນມະຫາສານກວ່າ 13 ລ້ານຢູໂຣ ເພື່ອເປັນຄ່າຕອບແທນທີ່ໄດ້ຮັບການຄຸ້ມຄອງຢ່າງດີຕະຫລອດ 13 ປີທີ່ຜ່ານມາ ລວມເຖິງ ກ່ອໜ້ານີ້ຍັງເຄີຍຈ່າຍໄປກ່ອນແລ້ວ 100,000 ຢູໂຣ.