ຫວຽດນາມສັ່ງປິດຮ້ານແຄມທາງລົດໄຟຊົ່ວຄາວ ອ້າງເພື່ອຄວາມປອດໄພ

ເຈົ້າໜ້າທີ່ເທສະບານນະຄອນຫລວງຮ່າໂນ້ຍ ອອກຄຳສັ່ງປິດສະຖານທີ່ທ່ອງທ່ຽວຍອດນິຍົມແຫ່ງໜຶ່ງຊົ່ວຄາວ ເຊິ່ງມັນຄືທາງລົດໄຟຍາວ 300 ແມັດ ທີ່ເຕັມໄປດ້ວຍຄາເຟ່, ຮ້ານອາຫານ ແລະ ຮ້ານຄ້າ ເຊິ່ງລວມກັນຢູ່ຢ່າງແອອັດຕາມສອງຂ້າງທາງ.

ວັນທີ 16 ກັນຍາ 2022, ສຳນັກຂ່າວຕ່າງປະເທດລາຍງານວ່າ: ເຈົ້າໜ້າທີ່ໃນເຂດຫວ່ານກຽມ ໃຈກາງນະຄອນຫລວງຮ່າໂນ້ຍ ປະກາດຄຳສັ່ງດັ່ງກ່າວໃນວັນທີ 14 ກັນຍາຜ່ານມາ ເຊິ່ງມີການກ່າວໂທດເຖິງການລະເມີດມາດຕະການຄວາມປອດໄພຂອງການລົດໄຟແຫ່ງປະເທດຫວຽດນາມ ແລະ ກ່າວວ່າ: ທຸກຮ້ານຄ້າໃນພື້ນທີ່ຈະຕ້ອງປິດໃນອີກ 3 ວັນຕໍ່ໜ້າ ໂດຍຍັງບໍ່ແນ່ນອນວ່າການສັ່ງປິດຈະມີໄລຍະເວລາດົນສໍ່າໃດ.

ຄວາມຂັດແຍ່ງດັ່ງກ່າວເປັນການພິກປີ້ນຄັ້ງຫລ້າສຸດໃຫ້ຄວາມບໍ່ແນ່ນອນ ຂອງສະຖານທີ່ສຳຄັນແຫ່ງນີ້ ເຊິ່ງຜະເຊີນໄພຄຸກຄາມ ເນື່ອງຈາກການປະທະກັນລະຫວ່າງກຸ່ມທຸລະກິດຂະໜາດນ້ອຍ ແລະ ລັດຖະບານທ້ອງຖິ່ນ.