ເທນ ຮາກ ວາງເປົ້າຄວ້າກອງກາງ ເລສເຕີ ເສີມທີມໃນໄລຍະປີໃຫມ່

ສຳນັກຂ່າວຕ່າງປະເທດລາຍງານວ່າ ເອຣິກ ເທນ ຮາກ ຜູ້ຈັດການທີມແມນເຊສເຕີ ຢູໄນເຕັດ ຍັງຄົງຕ້ອງການທີ່ຈະຄວ້ານັກເຕະ ໃຫມ່ເຂົ້າມາເສີມຂຸມກຳລັງຢ່າງຕໍ່ເນື່ອງ ໂດຍເບິ່ງໄປທີ່ກອງກາງຕົວເກັ່ງຂອງ ເລສເຕີ ຊິຕີ ຢ່າງ ຢູຣິ ຕີເລີມອງ.

ກ່ອນໜ້ານີ້ ເອຣິ ເທນ ຮາກ ຫາກໍຈັດຫນັກໃນການເສີມຂຸມກຳລັງໃນໄລຍະຕະຫລາດຊື້ຂາຍລະດູການນີ້ ໂດຍໄດ້ນັກເຕະດັງເຊ່ັນ ຄາເຊມິໂຣ ກອງກາງຈາກ ຣຽວ ມາດຣິດ, ອັນໂຕນີ ກອງໜ້າຈາກອາແຈັກ ອຳເຕີດຳ, ຄຣິສຕຽນ ອີຣິກເຊັນ ຈາກເບຣນຟອດ ລວມເຖິງກອງຫລັງ ລີຊານໂດຣ ມາຕີເນສ ແລະ ໄທເຣລ ມາລາເຊຍ ເຂົ້າມາເສີມທີມໃຫ້ກັບທີມແລ້ວ.

ແນວໃດກໍຕາມຫລ້າສຸດມີການເປີດເຜີຍວ່າຜູ້ຈັດການທີມຄົນນີ້ຍັງຕ້ອງການທີ່ຈະຄວ້ານັກເຕະໃຫມ່ເຂົ້າມາເພື່ອອີກໂດຍລາຍງານລະບຸວ່າພວກເຂົາພວມເບິ່ງໄປທີ່ ຢູຣີ ຕີເລີມອງ ກອງກາງທີມຊາດເບລຢ້ຽມຂອງສະໂມສອນ ເລສເຕີ ຊິຕີ ເປັນເປົ້າຫມາຍໃນ ການເສີມທີມໄລຍະຕະຫລາດຊື້ຂາຍຮອບໜ້າໃນໄລຍະປີໃຫມ່.

ສຳລັບ ຕີເລີມອງ ອາຍຸ 26 ປີ ຍ້າຍຈາກ ໂມນາໂກ ມາຢູ່ກັບ ເລສເຕີ ດ້ວຍຄ່າຕົວ 45 ລ້ານຢູໂຣ ເມື່ອເດືອນກໍລະກົດປີ 2019 ກ່ອນຈະກາຍເປັນນັກເຕະຄົນສຳຄັນຂອງທີມ ໂດຍລະດູການນີ້ລາວລົງຫລິ້ນໃນເກມລີກໄປແລ້ວ 6 ນັດ ສ່ວນກ່ອນໜ້ານີ້ເຄີຍ ຄວ້າແຊ໊ມເອຟເອ ຄັພ ແລະ ຄອມມູນິຕີຊິລ ກັບທີມເລສເຕີຢ່າງລະ 1 ສະໄຫມ.