ສ.ເກົາຫລີ ວາງເປົ້າໝາຍຄວາມເປັນກາງທາງກາກບອນພາຍໃນປີ 2050
ສຳນັກຂ່າວຈາກຊິນຮວາ ໃຫ້ຮູ້ວ່າ: ຊຳຊຸງ (Samsung) ເອເລັກໂຕຣນິກ ແຫ່ງໃຫຍ່ວົງການ ເຕັກໂນໂລຊີ ຂອງ ສ.ເກົາຫລີ ເປີດເຜີຍວ່າ: ເປົ້າໝາຍ ບັນລຸ ຄວາມເປັນກາງທາງກາກບອນ ພາຍໃນ ປີ2050 ເພື່ອມີສ່ວນຮ່ວມ ໃນຄວາມພະຍາຍາມລະດັບໂລກຂອງການແກ້ໄຂ ບັນຫາການປ່ຽນແປງ ດິນຟ້າອາກາດ.
ຊຳຊຸງໜຶ່ງໃນຜູ້ຜະລິດ semiconductor ທີ່ໃຫຍ່ທີ່ສຸດຂອງໂລກຊີ້ໃຫ້ເຫັນ ການມີສ່ວນຮ່ວມໃນການລິເລີ່ມ RE 100 ຂອງກຸ່ມທົ່ວໂລກຊຶ່ງມີເປົ້າໝາຍ ນຳໃຊ້ພະລັງງານທົດແທນ ໃນອັດຕາ100%ແລະ ເປົ້າໝາຍ ປັບປ່ຽນການເຄື່ອນໄຫວ ທັງໝົດ ໃນທົ່ວໂລກ ໄປເປັນພະລັງງານ ທົດແທນ ພາຍໃນປີ 2050.ຂະນະທີ່ ຊຳຊຸງ ຈະລົງທຶນ ແລະ ຄົ້ນຄວ້າ ເຕັກໂນໂລຊີໃໝ່ໆ ເພື່ອພັດທະນາ ຜະລິດຕະພັນ ປະຢັດພະລັງງານ ເພີ່ມການນໍາໃຊ້ນ້ຳຄືນໃໝ່ ແລະ ພັດທະນາ ເທັກໂນໂລຊີດັກຈັບຄາບອນ. ນອກນີ້ ຍັງຈະລົງທຶນ ຫລາຍກວ່າ 7 ພັນຕື້ວອນ ໃນຂໍ້ລິເລີ່ມທາງສິ່ງແວດລ້ອມ ພາຍໃນປີ 2030 ທີ່ກວມເອົາ ການຫລຸດ ອາຍແກັສ ໃນຂະບວນ ການຜະລິດ,ການອະນຸລັກນ້ຳຂະຫຍາຍການເກັບຂີ້ເຫຍື້ອ ເອເລັກໂຕຣນິກ ແລະ ການຫລຸດຜ່ອນ ມົນລະພິດ.
