ສະຫະລັດອາເມຣິກາ ອະນຸມັດສ້າງສະຖານີສາກລົດໄຟຟ້າໃນ 35 ລັດ
September 16, 2022 - 8:52 AM
ໃນວັນທີ 15 ກັນຍາ 2022 ນີ້ ລັດຖະບານ ສະຫະລັດອາເມຣິກາ ອະນຸມັດ ວົງເງິນ ງວດທຳອິດ 900 ລ້ານໂດລາ ສະຫະລັດ ສ້າງສະຖານີ ສາກລົດໄຟຟ້າ 500.000 ສະຖານີ ໃນ 35 ລັດ ໂດຍຕັ້ງເປົ້າໝາຍ ໄວ້ວ່າ ພາຍໃນ ປີ 2030 ລົດໄຟຟ້າ ຈະມີຍອດລົດ ຈຳໜ່າຍ ກວມເອົາ 50% ຂອງລົດໃໝ່ ທັງໝົດ. ການຕັດສິນໃຈ ຄັ້ງນີ້ ເກີດຂຶ້ນ ຫລັງຈາກ ທ່ານ ໂຈ ໄບເດນ (Joe Biden), ປະທານາ ທິບໍດີ ສະຫະລັດອາເມຣິກາ ເຂົ້າຮ່ວມງານ ວາງສະແດງ ລົດ ດີທຣອຍ( Detroit) ໃນລັດ ມີຊິເກນ (Michigan) ປະກາດວ່າ ຈະສະໜັບສະໜູນ ໃຫ້ບັນດາ ຜູ້ຜະລິດລົດຫັນມາສູ່ການໃຊ້ພະລັງງານ ສະອາດ ຫລື ພາຫະນະ ໄຟຟ້າ ແທນນ້ຳມັນ ລວມທັງ ຈະສະໜັບສະໜູນເງິນທຶນໃໝ່ ສໍາລັບໂຮງງານ ຜະລິດໝໍ້ເກັບພະລັງງານ
