ເຈົ້າຂອງທີມເຊລຊີ ສະເໜີແນວຄິດຈັດເກມພຣີເມຍລີກ ລວມດາວ ເພື່ອເພີ່ມລາຍໄດ້

ທັອດ ໂບລີ ເຈົ້າຂອງທີມ ເຊລຊີ ສະເໜີໄອເດຍໃຫ້ພຣີເມຍລີກ ມີການຈັດເກມລາວດາລາ ຝັ່ງເໜືອ ແລະ ໃຕ້ ຄືກັບ ອາເມລິກັນເກມ ເພື່ອຊ່ວຍເພີ່ມລາຍໄດ້ ລວມເຖິງຈັດທົວນາເມັນເພື່ອຫາທີມຕົກຊັ້ນ.

ສຳລັບ ໂບລີ ເຂົ້າມາຊື້ກິດຈະການ ເຊລຊີ ຕໍ່ຈາກ ໂຣມັນ ອະບຣາໂມວິດ ເມື່ອລະດູການຜ່ານມາ ດ້ວຍມູນຄ່າລວມ 4,25 ພັນລ້ານປອນ.

ແລະ ລາວກໍຫາເຮັດການປ່ຽນແປງທີມຄັ້ງໃຫຍ່ດ້ວຍການປົດ ໂທມັສ ທູເຄິລ ອອກຈາກຕຳແໜ່ງຜູ້ຈັດການທີມ ໂດຍໃຫ້ເຫດຜົນວ່າ ມີວິໄສທັດບໍ່ກົງກັນ ພ້ອມແຕ່ງຕັ້ງ ແກຣມ ພັອດເຕີ ເຂົ້າມາເຮັດໜ້າທີ່ເປັນຜູ້ຈັດການທີມຄົນໃຫມ່.

ຈົນຫລ້າສຸດມະຫາເສດຖີອາຍຸ 48 ປີ ໄດ້ເກີດໄອເດຍໃຫ້ ພຣີເມຍລີກມີເກມລາວດາລາ ຫລື ລວມດາວລະຫວ່າງທີມຝັ່ງເໜືອ ແລະ ຝັ່ງໃຕ້ ລວມເຖິງຄັດທີມຕົກຊັ້ນດ້ວຍການຈັດທົວນາເມັນສຳລັບ 4 ອັນດັບສຸດທ້າຍຂອງຕາຕະລາງ : ‘‘ ຂ້ອຍຫວັງວ່າພຣີເມຍລີກຈະໃຊ້ບົດຮຽນເລັກໜ້ອຍຈາກກິລາຂອງອາເມລິກາ ແລະ ເລີ່ມຄິດແທ້ ວ່າເປັນຫຍັງບໍ່ເຮັດທົວນາເມັນກັບ 4 ທີມສຸດທ້າຍ ເປັນຫຍັງບໍ່ມີເກມ ລາວດາວ ’’.