ສານເຢຍລະມັນ ຕັດສິນລົງໂທດຈຳຄຸກ ຊາຍອາຍຸ 50 ປິ ຕະຫລອດຊີວິດ ໃນຄະດີຍິງພະນັກງານປໍ້ານໍ້າມັນເສຍຊີວິດ ເນື່ອງຈາກພະນັກງານ ເຕືອນໃຫ້ໃສ່ຜ້າອັດປາກ-ດັງ

ສຳນັກຂ່າວ (DPA) ຂອງເຢຍລະມັນ ລາຍງານໃຫ້ຮູ້ວ່າ: ໃນວັນທີ 13 ກັນຍາ 2022 ທີ່ຜ່ານມາ ສານເຢຍລະມັນໄດ້ຕັດສິນລົງໂທດຈຳຄຸກ ຊາຍອາຍຸ 50 ປີ ຕະຫລອດຊີວິດໃນຄວາມຜິດຖານຝ່າຝືນກົດໝາຍຄວາມໝັ້ນຄົງ ແລະ ກໍ່ເຫດຄາດຕະກຳ ຫລັງທີ່ຊາຍຄົນດັ່ງກ່າວກໍ່ເຫດຍິງພະນັກງານປ້ຳນໍ້າມັນ ອາຍຸ 20ປີ ເສຍຊີວິດໃນເມືອງ ອີດາ-ໂອເບີໄຕ ໃນລັດ ໄຣແລນ-ພາລາທິເນດ ພາກຕາເວັນຕົກສ່ຽງໃຕ້ຂອງເຢຍລະມັນ ເນື່ອງຈາກພະນັກງານຄົນດັ່ງກ່າວໄດ້ເຕືອນໃຫ້ໃສ່ຜ້າອັດປາກ-ດັງ ແລະ ປະຕິບັດຕາມຂໍ້ກະນົດຄວບຄຸມການລະບາດຂອງພະຍາດໂຄວິດ-19

ພາຍຫລັງເກີດເຫດບຸກຄົນດັ່ງກ່າວກໍໄດ້ເຂົ້າມອບຕົວກັບເຈົ້າໜ້າທີ່ຕຳຫລວດພ້ອມໃຫ້ເຫດຜົນວ່າ: ທີ່ລົງມືກໍ່ເຫດໄປນັ່້ນເພາະຕົນເອງຮູ້ສຶກຄຽດຈາກມາດຕະການຄວບຄຸມພະຍາດໂຄວິດ-19