ທີມໃຫຍ່ຕາຕັ້ງ, ສື່ລາຍງານ ກ໊ອງເຕ ປະຕິເສດຕໍ່ສັນຍາໃຫມ່ກັບເຊລຊີ

ແຟນບານ ເຊລຊີ ໜ້າຈະມີໜາວໆຮ້ອນໆ ຫລັງຈາກ ເດວິດ ອອນສະຕິນ ນັກຂ່າວຊື່ດັງລາຍງານວ່າ ເອັນໂກໂລ ກ໊ອງເຕ ໄດ້ປະຕິເສດທີ່ຈະຕໍ່ສັນຍາສະບັບໃຫມ່ກັບຕົ້ນສັງກັດ ຫລັງບໍ່ພໍໃຈລາຍລະອຽດໃນສັນຍາທີ່ຍື່ນມາໃຫ້.

ເອັນໂກໂລ ກ໊ອງເຕ ກອງກາງທີມຊາດຝຣັ່ງຂອງ ເຊລຊີ ປະຕິເສດທີ່ຈະຕໍ່ສັນຍາກັບທີມອອກໄປ ຫລັງສັນຍາປັດຈຸບັນເຫລືອເຖິງປີ 2023 ເທົ່ານັັ້ນ.

ລາຍງານລະບຸວ່າ ກ໊ອງເຕ ບໍ່ພໍໃຈລາຍລະອຽດໃນສັນຍາໃຫມ່ໄລຍະສັ້ນທີ່ສະໂມສອນຍື່ນມາໃຫ້ພຽງ 2+1 ປີ ເມື່ອເດືອນກ່ອນ ເນື່ອງສະໂມສອນມີຄວາມກັງວົນກ່ຽວກັບອາການບາດເຈັບຂອງລາວທີ່ຕ້ອງປະສົບບັນຫາຢູ່ເລື້ອຍໆໃນໄລຍະຜ່ານມາ ແຕ່ດາວ ເຕະອາຍຸ 31 ປີ ຕ້ອງການເຊັນສັນຍາໄລຍະຍາວ 3+1 ປີ ເຊິ່ງຫາກສຸດທ້າຍທັງສອງຍັງຫາຂໍ້ສະຫລຸບບໍ່ໄດ້ຈະເຮັດໃຫ້ ເຊລຊີ ຕ້ອງເສຍນັກເຕະອອກໄປແບບບໍ່ມີຄ່າຕົວໃນໄລຍະລະດູການໜ້າ.

ເວລານີ້ ກ໊ອງເຕ ຍັງບໍ່ສາມາດກັບມາລົງສະໜາມໃຫ້ກັບ ເຊລຊີ ໄດ້ ຫລັງໄດ້ຮັບບາດເຈັບຂາຕັ້ງແຕ່ເກມທີ່ຊ່ວຍຕົ້ນສັງກັດລົງແຂ່ງ ກັບ ທັອດແນມ ຮັອດສະເປີ ຕັ້ງແຕ່ເດືອນສິງຫາທີ່ຜ່ານມາ.

ສຳລັບ ກ໊ອງເຕ ຖືເປັນນັກເຕະຫລັກຂອງ ເຊລຊີ ມາໂດຍຕະຫລອດນັບຕັ້ງແຕ່ຍ້າຍມາຈາກ ເລສເຕີ ຊິຕີ ເມື່ອປີ 2016 ໂດຍມີສະຖິຕິລົງສະໜາມໄປແລ້ວ 262 ນັດລວມທຸກລາຍການ.