ເກີດແຜ່ນດິນໄຫວ 7.6 ຣິກເຕີ ຖະຫລົ່ມ ປະເທດປາປົວນິວກີນີ ເສຍຊີວິດແລ້ວ 16 ຄົນ

ໃນວັນທີິ 11 ກັນຍາ 2022 ເກີດແຜ່ນດິນໄຫວຂະໜາດຄວາມຮຸນແຮງ 7.6 ຣິກເຕີ ທີ່ບໍລິເວນ ປາປົວນິວກີນີ ເຊິ່ງສ້າງຄວາມຕື່ນຕົກໃຈໃຫ້ແກ່ປະຊາຊົນ ມີລາຍງານຜູ້ເສຍຊີວິດແລ້ວ 16 ຄົນ ໃນຂະນະດຽວກັນກໍເກີດແຜ່ນດິນໄຫວ 6.1 ຣິກເຕີ ທີ່ປະເທດອິນໂດເນເຊຍ

ລາຍງານລະບຸວ່າ: ແຜ່ນດິນໄຫວທີ່ລະດັບຄວາມເລິກ 80 ກິໂລແແມັດ ໃກ້ກັບເມືອງໄຄນານຕູ ເຊິ່ງມີປະຊາກອນປະມານ 8,500 ຄົນ, ໃນຕອນເຊົ້າຂອງວັນດັ່ງກ່າວ ໄດ້ມີການອອກປະກາດເຕືອນໄພການເກີດສິນາມິໃນໄລຍະ 1,000 ກິໂລແມັດ ຫລັງຈາກເກີດແຜ່ນດິນໄຫວ ກ່ອນທີ່ຈະຍົກເລີກໃນເວລາຕໍ່ມາ, ປັດຈຸບັນ ພົບຜູ້ເສຍຊີວິດແລ້ວ 16 ຄົນ ແລະ ຄາດວ່າຈະເພີ່ມສູງຂຶ້ນອີກ ຫລັງຈາກມີລາຍງານວ່າ ມີໝູ່ບ້ານແຫ່ງໜຶ່ງຖືກດິນຖະຫລົ່ມທັບ ແລະ ເກີດຄວາມເສຍຫາຍເປັນວົງກວ້າງໃນຫລາຍພື້ນທີ່ ລວມທັງເສັ້ນທາງຂາດ ແລະ ສະພານຖະຫລົ່ມ.