ຄວາມສຳພັນຍັງດີ, ຜູ້ຈັດການເປແອສເຊປະຕິເສດຂ່າວລື ເອັມບັບເປ ແຕກຫັກ ເນມາ

ຄຣິສຕອຟ ກັລທິເຢ ຜູ້ຈັດການທີມຂອງ ປາຣີ ແຊັງ ແຊັກແມັງ ປະຕິເສດຂ່າວທີ່ວ່າ ຄີລຽນ ເອັບບັບເປ ມີບັນຫາສ່ວນຕົວກັບ ເນມາ ນັ້ນບໍ່ເປັນຄວາມຈິງແຕ່ຢ່າງໃດ.

ໂດຍກ່ອນໜ້ານີ້ມີລາຍງານວ່າ ເອັມບັບເປ ຂັດແຍ່ງກັບ ເນມາ ຫມູ່ຮ່ວມທີມຈົນເຖິງຂັ້ນຈະມີການປະທະກັນໃນຫ້ອງແຕ່ງຕົວ ເນື່ອງຈາກປະເດັນຍາດກັນຍິງລູກໂທດ ຫລັງເກມທີ່ ເປແອສເຊ ຖະຫລົ່ມ ມົງເປລລີເຢ 5-2 ການແຂ່ງຂັນ ລີກເອິງ ຝຣັ່ງ ເມື່ອເດືອນສິງຫາຜ່ານມາ.

ແຕ່ແນວໃດກໍຕາມ ກ່ອນໜ້ານີ້ດາວເຕະທີມຊາດຝຣັ່ງໄດ້ອອກມາຢືນຢັນວ່າຕົນເອງກັບ ເນມາ ບໍ່ໄດ້ມີບັນກັນ ເຖິງຈະມີໄລຍະເວລາຂຶ້ນໆລົງໆກໍຕາມ.

ຈົນຫລ້າສຸດ ກັລທິເຢ ໃຫ້ສຳພາດຢືນຢັນເຖິງຄວາມສຳພັນຂອງ 2 ລູກທີມວ່າເປັນໄປດ້ວຍຄວາມລາບລື່ນ ‘‘ ຄວາມສຳພັນລະຫວ່າງ ຄີລຽນ ເອັມບັບເປ ແລະ ເນມາ ນັ້ນດີ ແລະ ຂ້ອຍບໍ່ໄດ້ສັບສົນ ຫລັງຈາກໄດ້ລົມກັບ ເອັມບັບເປ ເຊິ່ງຂ້ອຍຄິວດ່າລາວໄດ້ລາວເລື່ອງນີ້ກັບ ເນມາ ພວກເຂົາຢູ່ນຳກັນໃນການເຝິກຊ້ອມພວກເຂົາມັກຈະຢູ່ນຳກັນໃນການອົບອຸ່ນຮ່າງກາຍ ’’.