ສໍ້ລາດບັງຫລວງມູນຄ່າໜ້ອຍ ຫລື ຫລາຍ ຕ້ອງອອກຈາກລັດຖະການພ້ອມຢຶດຊັບສິນ

ໃນກົດໝາຍອາຍາ ໝວດທີ X ມາດຕາ 354 ໃຫ້ຄຳນິຍາມວ່າ: ການສໍ້ລາດບັງຫລວງແມ່ນພຶດຕິກຳຂອງພະນັກງານທີ່ສວຍໃຊ້ຖານະຕຳແໜ່ງ ແລະ ໜ້າທີ່ຂອງຕົນເພື່ອ ຍັກຍອກຊັບຂອງລັດ ຫລື ລວມໝູ່, ສໍ້ໂກງຊັບຂອງລັດ ຫລື ລວມໝູ່, ຮັບ-ໃຫ້ສິນບົນ, ການສວຍໃຊ້ຖານະຕຳແໜ່ງ-ໜ້າທີ່ເກີນຂອບເຂດ, ການລັກໂລບ, ປອມແປງມາດຖານເຕັກນິກກໍ່ສ້າງ, ອອກແບບ ຄິດໄລ່ ແລະ ອື່ນໆ, ໂກງການປະມູນ ຫລື ສຳປະທານ; ການປອມແປງເອກະສານ ຫລື ໃຊ້ເອກະສານປອມ, ການເປີດເຜີຍຄວາມລັບເພື່ອຜົນປະໂຫຍດສ່ວນຕົວ ແລະ ການກົດໜ່ວງຖ່ວງດຶງເອກະສານ,ເຫັນວ່າ: ເປັນໄພຂົ່ມຂູ່ຕໍ່ການພັດທະນາປະເທດ, ພັກ ແລະ ລັດ ຖະບານເຮົາຍາມໃດກໍໄດ້ຖືເອົາການຕ້ານ ແລະ ສະກັດກັ້ນການສໍ້ລາດບັງຫລວງເປັນບຸລິມະສິດທີ່ສຳຄັນ ໂດຍການສ້າງນິຕິກຳຕ່າງໆ ລວມທັງກົດໝາຍເພື່ອຕໍ່ສູ້ ແລະ ຕີຖອຍປາກົດການນີ້ໂດຍສະເພາະກົດໝາຍວ່າດ້ວຍການຕ້ານການສໍ໊ລາດບັງຫລວງ.

ເຖິງປານນັ້ນປາກົດການສໍ້ລາດບັງຫລວງຍັງມີໃນຖັນແຖວສະມາຊິກພັກ ພະນັກງານ. ຂະນະທີ່ຫລາຍປີຜ່ານມາ, ການປາບປາມການສໍ້ລາດຫລວງໄດ້ປະສົບຜົນສຳເລັດຢ່າງເພິ່ງພໍໃຈໂດຍສາມາດປະຕິບັດວິໄນ ລົງໂທດຕາມກົດໝາຍ ແລະ ເກັບກູ້ເງິນ ວັດຖຸຈາກການສໍ້ລາດບັງຫລວງມາໄດ້ເປັນຈຳນວນຫລາຍເຮັດໃຫ້ສັງຄົມມີຄວາມສະຫງົບ ເສດຖະກິດພັດທະນາຂະຫຍາຍຕົວດີ,ແຕ່ສັງຄົມຍັງມີທັດສະນະວ່າ: ດີແທ້ນອກຈາກລົງໂທດຕາມກົດໝາຍແລ້ວຕ້ອງໄດ້ຢຶດເງິນ , ຊັບສິນຈາກການການສໍ້ລາດບັງຫລວງນັ້ນ ແລະ ສຳຄັນບໍ່ສົມຄວນຍົກຍ້າຍສັບຊ້ອນຜູ້ກະທຳຜິດໄປເຮັດວຽກ ຫລື ຮັບໜ້າທີ່ໃໝ່ໃດໆ.

ດີແທ້ຄວນ ປັບປຸງເນື້ອໃນທີ່ກຳ ນົດໄວ້ໃນຂໍ້ 1 ມາດຕາ 57 ຂອງກົດໝາຍວ່າດ້ວຍການຕ້ານການສໍ້ລາດຫລວງສະບັບປັບປຸງປີ 2014 ໃໝ໋ ເພາະເຫັນວ່າຍັງມີຊ່ອງວ່າງຫລາຍ ເຊັ່ນ: ຫາກຜ່ານການດຳເນີນການກວດກາພົບເຫັນການກະທຳຜິດທີ່ເປັນການສໍ້ລາດ ບັງຫລວງ ຊຶ່ງກໍ່ຄວາມເສຍຫາ