5 ປະໂຫຍດດີໆຂອງການນອນເວັນ.
September 9, 2022 - 4:07 PM
ທ່ານຮູ້ຫລືບໍ່ວ່າການນອນເວັນເປັນອີກໜຶ່ງສິ່ງທີ່ຊ່ວຍເພີ່ມພະລັງໃຫ້ແກ່ຮ່າງກາຍເມື່ອຮູ້ສຶກອິດເມື່ອຍອ່ອນເພຍໄດ້ ບໍ່ພຽງແຕ່ເຮັດໃຫ້ທ່ານຮູ້ສຶກສົດຊື່ນ, ແຕ່ຍັງແຝງໄປດ້ວຍປະໂຫຍດອື່ນໆທີ່ອາດນຶກບໍ່ເຖິງເລີຍ ຈະມີປະໂຫຍດໃນເລື່ອງຫຍັງແດ່ນັ້ນໄປເບິ່ງພ້ອມກັນເລີຍ.
- ຊ່ວຍຫລຸດພາລະການເຮັດວຽກໜັກຂອງຫົວໃຈ ຫລຸດອັດຕາການເກີດອາການຫລອດເລືອດຫົວໃຈຕີບກະທັນຫັນໄດ້.
- ຫລຸດຄວາມເຄັ່ງຄຽດ ເພາະເມື່ອສະໝອງໄດ້ພັກ ຈະເຮັດໃຫ້ຄິດວຽກງ່າຍຂຶ້ນ ຊ່ວຍໃຫ້ສະໝອງສົດໃສ ສາມາດເຮັດວຽກໄດ້ວ່ອງໄວຂຶ້ນ.
- ເພີ່ມພະລັງ ເມື່ອທ່ານນອນບໍ່ພຽງພໍ ສະໝອງກໍຈະອ່ອນເພຍ ທັງນີ້ການໄດ້ເຊືອບຫລັບຕອນກາງເວັນສາມາດຊ່ວຍຫລຸດຄວາມຮູ້ສຶກດັ່ງກ່າວໄດ້ ເຮັດໃຫ້ອາລົມດີຂຶ້ນ ແລະ ຊ່ວຍໃຫ້ທ່ານມີສະມາທິຫລາຍຂຶ້ນ.
- ສະໝອງອາດຈື່ຈຳສິ່ງທີ່ຮຽນຮູ້ໄດ້ດີ ລວມເຖິງຈື່ຈຳຄຳເວົ້າ, ການຮັບຮູ້ສິ່ງຕ່າງໆ ຫລື ທັກສະການເຄື່ອນໄຫວໄດ້ດີ.
- ເພີ່ມຄວາມພ້ອມໃຫ້ແກ່ຮ່າງກາຍເພື່ອເຮັດກິດຈະກຳຕ່າງໆຕໍ່ໄປ ເຊັ່ນ : ອອກກຳລັງກາຍ, ການເຮັດວຽກ ເປັນຕົ້ນ.
- ແຕ່ຫາກໝົດມື້ຮູ້ສຶກບໍ່ສົດຊື່ນ, ງ່ວງນອນຕະຫລອດເວລາ ຄວນໄປພົບທ່ານໝໍເພື່ອຮັບການກວດບົ່ງມະຕິ ແລະ ປິ່ນປົວຢ່າງຖືກຕ້ອງຕໍ່ໄປ.
