ຕຳຫລວດ ການາດາ ຈັບຕົວ ຄົນຮ້າຍ 2 ຄົນ ໄດ້ແລ້ວ ຈາກເຫດໄລ່ແທງປະຊາຊົນຈົນເຮັດໃຫ້ມີຄົນເສຍຊີວິດ 10 ຄົນ

ໃນວັນທີ 7 ກັນຍາ 2022 ຕຳຫລວດ ຊັສແຄດເຊວັນ ປະເທດການາດາ ໃຫ້ຮູ້ວ່າ: ສາມາດຈັບກຸມຜູ້ຕ້ອງສົງໄສ 2 ຄົນໃນເຫດການສັງຫານຜູ້ຄົນດ້ວຍມີດໃນອາທິດທີ່ຜ່ານມາ ໄດ້ແລ້ວ ທາງການຈຶ່ງໄດ້ປະກາດຍົກເລີກເຕືອນບຸກຄົນອັນຕະລາຍ ເຮັດໃຫ້ສະຖານະການກັບສູ່ພາວະປົກກະຕິ

ຄະດີດັ່ງກ່າວເປັນການສັງຫານໝູ່ທີ່ເຮັດໃຫ້ປະຊາຊົນການາດາຮູ້ສຶກຢ້ານກົວ ຈາກການທີ່ມີຜູ້ຕ້ອງຫາໄດ້ຫລົບໜີຕັ້ງແຕ່ ວັນອາທິດ 4 ກັນຍາ ໂດຍເຫດການດັ່ງກ່າວເຮັດໃຫ້ຄົນເສຍຊີວິດ 10 ຄົນ ບາດເຈັບ 18 ຄົນ ປັດຈຸບັນທາງ ຕຳຫລວດຍັງບໍ່ໄດ້ກ່າວເຖິງເຫດຈູງໃຈ ແລະ ລາຍລະອຽດຂອງການຈັບກຸມໃນຄັ້ງນີ້