ເດືອນສິງຫາ 2022 ທົ່ວປະເທດ ມີອຸບັດເຫດເກີດຂຶ້ນ 438 ຄັ້ງ ພາຫະນະເປ່ເພ 798 ຄັນ ຄົນໄດ້ຮັບບາດເຈັບ 732 ຄົນ

ໃນວັນທີ 7 ກັນຍາ 2022 ທ່ານ ຄຳເພັດ ລໍອິນທະວົງ ຫົວໜ້າພະແນກສືບສວນ-ສອບສວນຄະດີອຸບັດເຫດ ໄດ້ລາຍງານຂໍ້ມູນອຸບັດເຫດທົ່ວປະເທດ ປະຈຳເດືອນສິງຫາທີ່ຜ່ານມາວ່າ: ມີອຸບັດເຫດເກີດຂຶ້ນທັງໝົດ 438 ຄັ້ງ ຫລຸດລົງ 66 ຄັ້ງ, ພາຫະນະເປ່ເພ 798 ຄັນ ເພີ່ມຂຶ້ນ 4 ຄັນ, ຄົນໄດ້ຮັບບາດເຈັບ 732 ຄົນ ເພີ່ມຂຶ້ນ 86 ຄົນ, ເສຍຊີວິດ 58 ຄົນ ຫລຸດລົງ 8 ຄົນ.

ສາເຫດຂອງການເກີດອຸບັດເຫດ ຄວາມໄວ 122 ລາຍ, ດື່ມເຫລົ້າ 109 ລາຍ, ປ່ຽນທິດທາງເດີນ 45 ລາຍ, ບໍ່ປ່ອຍສິດ 30 ລາຍ, ຊີງຂຶ້ນໜ້າບໍ່ຮັບປະກັນ 25 ລາຍ, ເຕັກນິກ 17 ລາຍ , ລ່ວງປ້າຍຫ້າມ 15 ລາຍ ແລະ ອື່ນໆ 66 ລາຍ.

ເວລາທີ່ເກີດອຸບັດເຫດ: ເວລາແຕ່ 1:00 ໂມງ- 7:00 ໂມງເຊົ້າ 22 ລາຍ, ເວລາແຕ່ 7:00ໂມງ-16:00ໂມງແລງ 150 ລາຍ, ເວລາແຕ່ 16:00 ໂມງ-24:00 ໂມງກາງຄືນ 266 ລາຍ.

ວັນທີ່ເກີດອຸບັດເຫດຫລາຍກວ່າໝູ່: ວັນຈັນ 35 ລາຍ, ວັນອັງຄານ 48 ລາຍ, ວັນພຸດ 43 ລາຍ, ວັນພະຫັດ 47 ລາຍ, ວັນສຸກ 50 ລາຍ, ວັນເສົາ 142 ລາຍ, ວັນອາທິດ 79 ລາຍ

ອາຍຸຜູ້ທີ່ເກີດອຸບັດເຫດ: ຕໍ່າກວ່າ 15 ປີ 60 ຄົນ, 15-30 ປີ 713 ຄົນ, 31-50 ປີ 241 ຄົນ, 51-60 ປີ 4 ຄົນ, 61 ປີ ຂື້ນໄປ 2 ຄົນ.

ອາຊີບຜູ້ເກີດອຸບັດເຫດ: ຊາວນາ 114 ຄົນ, ກຳມະກອນ 212 ຄົນ, ນັກຮຽນ,ນັກສຶກສາ 107 ຄົນ, ພະນັກງານ 137 ຄົນ, ຄ້າຂາຍ 102 ຄົນ, ຂັບລົດ 124 ຄົນ, ທະຫານ 36 ຄົນ, ຕຳຫລວດ 9 ຄົນ, ວ່າງງານ 145 ຄົນ.

ແຂວງທີ່ເກີດອຸບັດເຫດຫລາຍກວ່າໝູ່: ນະຄອນຫລວງ 82 ລາຍ ,ຫລວງພະບາງ 33 ລາຍ, ສະຫວັນນະເຂດ 51 ລາຍ, ຈຳປາສັກ 48 ລາຍ, ວຽງຈັນ 44 ລາຍ ,ຫລວງນ້ຳທາ-ບໍ່ແກ້ວ 24 ລາຍ,  ອຸດົມໄຊ 21 ລາຍ, ອັດຕະປື 20 ລາຍ, ຊຽງຂວາງ 19 ລາຍ, ບໍລິຄຳໄຊ-ສາລະວັນ 18 ລາຍ, ໄຊຍະບູລີ-ໄຊສົມບູນ 12 ລາຍ, ຜົ້ງສາລີ 5 ລາຍ, ຄຳມ່ວນ-ຫົວພັນ 3 ລາຍ, ເຊກອງ 2 ລາຍ

ລວມມູນຄ່າເສຍຫາຍທີ່ເກີດອຸບັດເຫດໃນເດືອນສິງຫາ ທັງໝົດແມ່ນ 5.889.000.000 ກີບ ຫລຸດລົງຈາກເດືອນກໍລະກົດ 385.160.000 ກີບ