ນາໂປລີ ຢືນຢັນບໍ່ເຄີຍທາບທາມ ຄຣິສຕຽນໂນ ໂຣນັລໂດ ຮ່ວມທີມຕະຫລາດລະດູການຜ່ານມາ

ຄຣິສຕຽນໂນ ຈຸນໂຕລີ ຜູ້ອຳນວຍການກິລາຂອງ ນາໂປລີ ຢືນຢັນຈະແຈ້ງວ່າບໍ່ເຄີຍທາບທາມ ຄຣິສຕຽນໂນ ໂຣນັລໂດ ກອງໜ້າຊຸບເປີສະຕາ ແມນເຊສເຕີ ຢູໄນເຕັດ ມາຮ່ວມທີມໃນຕະຫລາດນັກເຕະລະດູການຜ່ານມາ.

ສຳລັບ ປາໂປລີ ຄືໜຶ່ງໃນທີມທີ່ຕົກເປັນຂ່າວເຊື່ອມໂຍງວ່າສົນໃຈເຊັນສັນຍາ ໂຣນັລໂດ ໄປເສີມທີມໃນຕະຫລາດນັກເຕະ ລະດູການຜ່ານມາ ຫລັງດາວຍິງອາຍຸ 37 ປີ ຢາກອຳລາ ແມນເຊສເຕີ ຢູໄນເຕັດ ເພື່ອລົງຫລິ້ນໃນບານເຕະ ຢູຟາ ແຊ໊ມປຽນ ລີກ.

ແຕ່ການຊື້ຂາຍລະຫວ່າງ ນາໂປລີ ກັບ ໂຣນັລໂດ ກໍບໍ່ເກີດຂຶ້ນ ເຖິງມີຂ່າວວ່າ ຮໍເກ ເມນເດສ ໂຕແທນຂອງ ໂຣນັລໂດ ຈະພະຍາ ຍາມຢ່າງຫນັກໃຫ້ນັກເຕະໃນຄວາມເບິ່ງແຍງໄດ້ຍ້າຍໄປຢູ່ໃນຖິ່ນ ສະຕາດີໂອ ດີເອໂກ ມາມັນໂດ ມາຣາໂດນາ ກ່ອນເສັ້ນຕາຍ.

ເຮັດໃຫ້ສຸດທ້າຍແລ້ວ ໂຣນັລໂດ ຕ້ອງຫລິ້ນກັບ ແມນຢູ ໄປຢ່າງໜ້ອຍເຖິງເດືອນມັງກອນ ລວມເຖິງຈະໄດ້ລົງຫລິ້ນໃນຢູໂຣປາ ລີກ ເປັນຄັ້ງທຳອິດ.

ຈົນຫລ້າສຸດ ຈຸນໂຕລີ ຜູ້ບໍລິຫານຂອງ ນາໂປລີ ໄດ້ໃຫ້ສຳພາດເຖິງຂ່າວລືເລື່ອງການຊື້ຂາຍຂອງສະໂມສອນກັບ ໂຣນັລໂດວ່າ : ‘‘ ຂ້ອຍຂໍໂທດທີ່ຕ້ອງເວົ້າແບບນັ້ນ ແຕ່ເຮົາບໍ່ເຄີຍເຈລະຈາຢ່າງຈິງຈັງກັບ ແມນຢູ ເພື່ອເຊັນສັນຍາ ຄຣິສຕຽນໂນ ໂຣນັລໂດ ’’.