ແຜ່ນດິນໄຫວ 6,8 ຢູ່ມົນທົນເສສວນຂອງຈີນ ເສຍຊີວິດຢ່າງໜ້ອຍ 21 ຄົນ ຊ້ຳຕື່ມລັອກດາວຈາກໂຄວິດ-19

ເກີດເຫດແຜ່ນດິນໄຫວຮຸນແຮງທາງຕາເວັນຕົກສຽງໃຕ້ຂອງຈີນ ສົ່ງຜົນໃຫ້ຖະໜົນ ແລະ ເຮືອນຊານໄດ້ຮັບຄວາມເສຍຫາຍຈາກດິນເຈື່ອນ.

ສຳນັກຂ່າວຕ່າງປະເທດລາຍງານເຫດແຜ່ນດິນໄຫວຂະໜາດ 6,8 ຢູ່ມົນທົນເສສວນຂອງຈີນ ໃນວັນທີ 5 ກັນຍາ 2022 ຖືເປັນແຜ່ນດິນໄຫວຄັ້ງຮຸນແຮງທີ່ສຸດໃນຮອບ 5 ປີ ຫລ້າສຸດພົບຜູ້ເສຍຊີວິດແລ້ວຢ່າງໜ້ອຍ 21 ຄົນ ທ່າມກາງສະພາບປະຊາຊົນ 21 ລ້ານຄົນໃນນະຄອນເສິງຕູ ເມືອງຫລວງຂອງມົນທົນເສສວນກຳລັງຢູ່ພາຍໃຕ້ຄຳສັ່ງລັອກດາວຈາກທາງການ ເພື່ອຢຸດການລະບາດຂອງພະຍາດໂຄວິດ-19.

ໂດຍຈຸດສູນກາງຂອງແຜ່ນດິນໄຫວຮອບນີ້ຢູ່ຫ່າງຈາກເມືອງເສິງຕູ 226 ກິໂລແມັດ ເປັນຈຸດທີ່ເກີດແຜ່ນດິນໄຫວເລື້ອຍໆ. ຢ້ອນກັບໄປເມື່ອປີ 2008 ເຄີຍຜະເຊີນເຫດແຜ່ນດິນໄຫວຂະໜາດ 8,0 ຈົນມີຜູ້ເສຍຊີວິດເກືອບ 70.000 ຄົນມາແລ້ວ.

ສ່ວນຄັ້ງຫລ້າສຸດທີ່ເກີດແຜ່ນດິນໄຫວໜັກລະດັບນີ້ ຄືໃນເດືອນສິງຫາ 2017 ທີ່ເກີດແຜ່ນດິນໄຫວຂະໜາດ 7,0.

ນອກຈາກບັນຫາແຜ່ນດິນໄຫວ ແລະ ການຖືກສັ່ງລັອກດາວຈາກນະໂຍບາຍ Covid Zero ຂອງຈີນ, ຊາວມົນທົນເສສວນຍັງຕ້ອງຜະເຊີນໄພແລ້ງຈາກຄື້ນຄວາມຮ້ອນ ຈົນຕ້ອງຂາດເຂີນນ້ຳ ແລະ ບໍ່ມີນ້ຳພຽງພໍໃນການຜະລິດກະແສໄຟຟ້າ.

ປັດຈຸບັນ ຖ້າຊາວເສິງຕູຕ້ອງການເດີນທາງອອກຈາກເມືອງ ຈະຕ້ອງສະແດງຜົນກວດໂຄວິດ-19 ເປັນລົບພາຍໃນ 24 ຊົ່ວໂມງ.

ອ້າງອີງ:

https://apnews.com/…/science-china-earthquakes…

https://www.bloomberg.com/…/china-s-chengdu-extends…