ເຈົ້າຂອງທີມແມນຢູ ຕັ້ງລາຄາຂາຍສະໂມສອນ 3,75 ພັນລ້ານປອນ

ສື່ອັງກິດ ລາຍງານວ່າ ຕະກູນເກລເຊີ ເຈົ້າຂອງທີມ ແມນເຊສເຕີ ຢູໄນເຕັດ ຕັ້ງລາຄາຂາຍສະໂມສອນໄວ້ທີ່ 3,75 ພັນລ້ານປອນ.

ສຳລັບຕະກູນເກລເຊີ ຕົກເປັນເປົ້າໂຈມຕີຂອງແຟນບານ ແມນເຊສເຕີ ຢູໄນເຕັດ ມາຢ່າງຍາວນານ ເນື່ອງຈາກນະໂຍບາຍ ການບໍລິຫານທີມ ເຮັດໃຫ້ພວກເຂົາເກີດຄວາມກົດດັນ ແລະ  ກຽມຂາຍຫຸ້ນສ່ວນໃຫຍ່ຂອງສະໂມສອນອອກໄປ.

ໂດຍກ່ອນໜ້ານີ້ມີລາຍງານວ່າ ເຊີຈິມ ແຣທຄລິບ ມະຫາເສດຖີຊາວອັງກິດຢືນຢັນຈະແຈ້ງວ່າຕ້ອງການທີ່ຈະຊື້ສະໂມສອນ ແມນເຊສເຕີ ຢູໄນເຕັດ ເຕັມຮູບແບບ ແຕ່ແນວໃດກໍຕາມຍັງບໍ່ມີຄວາມຄືບໜ້າໃນເລື່ອງດັ່ງກ່າວແຕ່ຢ່າງໃດ.

ຈົນຫລ້າສຸດ ເດລີ ເມລ ສື່ໃນອັງກິດລະບຸວ່າ : ຕະກູລເກລເຊີ ຈະຍອມຂາຍສະໂມສອນ ແມນເຊສເຕີ ຢູໄນເຕັດ ຫາກໄດ້ຂໍ້ສະ ເໜີໃນລະດັບ 3,75 ພັນລ້ານປອນ ຕາມທີ່ພວກເຂົາຕັ້ງໄວ້.

ທັງນີ້ ນອກຈາກ ເຊີຈິມ ແຣດຄລິບ ແລ້ວຍັງມີກຸ່ມທຶນຈາກດູໄບທີ່ສົນໃຈຊື້ກິດຈະການແມນຢູເຊ່ັນດຽວກັນ.