ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ

September 5, 2022 - 3:54 PM

ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ - kitchen vibe - ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ

ຈາກກໍລະນີຂ່າວ “ຍອດເງິນບໍລິຈາກຊ່ວຍຈົວນ້ອຍ 2 ອົງຖືກລົດຕຳ ເບື້ອງຕົ້ນ 20 ລ້ານກີບ ຫັກເຂົ້າວັດ 10 ລ້ານ ຮອດມືຈົວນ້ອຍອົງລະ 3 ລ້ານກີບ” ທີ່ ເຟສບຸກ “ວັດບ້ານແຈ້ງສະຫວ່າງ” ເປັນຜູ້ໂພສເພື່ອຂໍປະກອບສ່ວນຊ່ວຍເຫລືອ.

ກ່ອນໜ້ານີ້ ແມ່ຈົວນ້ອຍ ແລະ ວັດສັງກັດຂອງຈົວນ້ອຍ 2 ອົງ ໄດ້ໃຫ້ຂໍ້ມູນຕໍ່ທີມຂ່າວໜັງສືພິມລາວພັດທະນາວ່າ: ວັດບ້ານແຈ້ງສະຫວ່າງ ໄດ້ແຈ້ງຍອດເງິນບໍລິຈາກເບື້ອງຕົ້ນ 20 ລ້ານກີບ ແລ້ວຫັກເຂົ້າວັດ 10 ລ້ານ, ຮອດມືຈົວນ້ອຍອົງລະ 3 ລ້ານກີບ ແລະ ອີກ 4 ລ້ານກີບແມ່ນຈະໄດ້ມອບໃຫ້ຈົວນ້ອຍພາຍຫລັງອອກໂຮງໝໍ, ສຳລັບການຮັບບໍລິຈາກຂອງວັດແຈ້ງສະຫວ່າງ ແມ່ນບໍ່ໄດ້ມີການປະສານກັບແມ່ຈົວນ້ອຍທັງສອງອົງກ່ອນ ຈົນມາເຫັນທາງເຟສບຸກ.

ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ - Visit Laos Visit SALANA BOUTIQUE HOTEL - ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ

ຫລ້າສຸດ ເຟສ “ວັດບ້ານແຈ້ງສະຫວ່າງ” ໄດ້ອອກມາຊີ້ແຈງວ່າ: “{ຂໍຊີ້ແຈງ ແກ້ໄຂຂ່າວ} ເງິນທີ່ໝູ່ເພື່ອນບໍລິຈາກຊ່ວຍສາມະເນນນ້ອຍ 2 ອົງທີ່ຖືກລົດຕໍາ ທາງວັດເຮົາປະກາດແຜ່ຊ່ວຍເພີ່ນ ປະມານ 9 ຊົ່ວໂມງ { ແລ້ວປິດຍອດ } ລວມໄດ້ 6.300.000 ກີບ ທາງວັດເຮົາຊ່ວຍເຫຼືອອີກ 3.700.000 ກີບ ລວມເປັນ 10.000.000 ກີບ {ຖວາຍມອບໃຫ້ເປັນເງິນສົດບໍ່ໄດ້ໂອນ } ກັບກະຕ່າໝາກໄມ້ 2 ອັນ ເຈົ້າອາວາດ ວັດໂພນແລ ກັບ ລຸງອ້າຍຈົວເພີ່ນ ເປັນຜູ້ມາຮັບເອົາ ມອບຮັບເປັນເງິນສົດ ຄືວ່າຮອດ ອ້າຍຈົວນ້ອຍ ແຕ່ 3 ລ້ານກີບ ອີກ 7.000.000 ກີບ ມັນຫາຍໄປໃສ ທີ່ວ່າ 20 ລ້ານກີບ { ບໍ່ມີມູນຄວາມຈິງເດີ } ເປັນຍ້ອນຜູ້ຮັບເອົາເງິນ ແຕ່ໄປມອບໃຫ້ເພີ່ນບໍ່ຄົບ ສ່ວນທາງວັດເຮົາ ບໍ່ໄດ້ຫັກແບ່ງໄວ້ ແຕ່ຢ່າງໃດ ຖ່າຍຮູບເປັນຫຼັກຖານພ້ອມ ເພາະມີນໍ້າໃຈ ຊ່ວຍເຫຼືອໄປແລ້ວ ມອບໃຫ້ໄປແລ້ວ ບໍ່ໄດ້ຕິດໃຈ ແຕ່ຢ່າງໃດ {ໃຫ້ພີ່ນ້ອງເພີ່ນລົມກັນເອງເດີ } ຂໍຂອບໃຈ”.

ແຕ່ການຊີ້ແຈງພຽງອັກສອນຜ່ານເຟສບຸກບໍ່ໄດ້ໝາຍເຖິງຄວາມຖືກຕ້ອງ ເຊິ່ງເຮົາສາມາດສັງເກດຄວາມຜິດປົກກະຕິດັ່ງນີ້:
1. ການເປີດຮັບບໍລິຈາກໂດຍບໍ່ໄດ້ຮັບອະນຸຍາດຈາກຄອບຄົວຈົວນ້ອຍທັງ 2 ອົງ
2. ໂພສຮັບບໍລິຈາກຖືກລຶບອອກຈາກເຟສ
3. ວ່າມີການເປີດຮັບບໍລິຈາກ 9 ຊົ່ວໂມງ ແຕ່ຫລັກຖານປາກົດຈາກການແຄັບໜ້າຈໍເວລາ 14:58 ຂອງວັນທີ 2 ກັນຍາ ມີ 2 ໂພສລຽນກັນຄື 17 ຊົ່ວໂມງ ແລະ 8 ຊົ່ວໂມງ ແລະ ຫລັງຈາກນັ້ນໂພສທັງ 2 ກໍຖືກລຶບ.
ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ - c3b65865 cb28 42d6 8c32 030dfb1c89f8 - ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ
4. ທາງວັດວ່າ ໄດ້ເງິນທັງໝົດ 6.300.000 ກີບ ແຕ່ໃນຄອມເມັ້ນທີ່ໂພສ 1 ມີ 483 ສະລິບໂອນເງິນ ເຊິ່ງແຕ່ລະສະຫລິບມີຍອດບໍລິຈາກແຕ່ 10.000 ກີບ-300.000 ກີບ, ໂພສທີ 2 ມີ 79 ສະລິບໂອນເງິນ.
5. ກ່ອນໜ້ານີ້ (ກ່ອນໜ້າທີ່ຈະຖືກບລັອກ) ທີມງານຂ່າວໄດ້ສອບຖາມທາງເຟສວັດກ່ຽວກັບການຮັບບໍລິຈາກ ທາງວັດຕອບກັບວ່າ ຈະມອບຊ່ວຍຈົວນ້ອຍທັງໝົດ ແລະ ສາເຫດທີ່ຮັບບໍລິຈາກຍ້ອນແມ່ຈົວນ້ອຍບໍ່ມີບັນຊີ ແຕ່ໃນຄວາມຈິງທີມງານຂ່າວໄດ້ສອບຖາມ ແມ່ຈົວນ້ອຍວ່າມີບັນຊີ.
ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ - fe31b0cd 24dc 42e3 8ba2 6656bd23d72e - ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ
6. ພາຍຫລັງໜັງສືພິມລາວໂພສຂ່າວດັ່ງກ່າວອອກໄປ ເຟສທາງວັດໄດ້ສົ່ງຂໍ້ຄວາມມາຫາ ວ່າເປັນຂ່າວປອມແຕ່ບໍ່ທັນໄດ້ຕອບກັບ ກໍຖືກເຟສຂອງວັດບລັອກ ຕອບຂໍ້ຄວາມບໍ່ໄດ້ ເຊິ່ງກ່ອນໜ້ານີ້ ທີມງານຂ່າວໄດ້ໃຊ້ບັນຊີແອັດມິນເພຈແຊັດຫາເພື່ອຕິດຕໍ່ຂໍສຳພາດ ແລະ ຂໍ້ມູນຍອດຮັບບໍລິຈາກ ກໍຖືກບລັອກ.
ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ - bac750c1 8650 42ec b343 c6ee40398ec0 - ຂໍ້ສັງເກດ ຕໍ່ຄຳຊີ້ແຈງຂອງເຟສວັດບ້ານແຈ້ງສະຫວ່າງກໍລະນີເປີດຮັບບໍລິຈາກຊ່ວຍຈົວນ້ອຍ ທີ່ປະສົບອຸບັດເຫດ ວ່າໄດ້ຮັບເງິນບໍ່ເຖິງ 20 ລ້ານກີບ