ບິດກ້ານຄໍ ຫລື ດັດກະດູກກ້ານຄໍດີບໍ ?

ຫລາຍຄົນມັກບິດ ຫລື ຫັກຄໍໂຕເອງໃຫ້ເກີດສຽງກັອກ, ແກັກ ເພາະຫຼັງຈາກເຮັດຮູ້ສຶກໂລ່ງສະບາຍຄໍ ບາງຄົນມັກໃຫ້ຜູ້ອື່ນດັດຄໍໃຫ້ດ້ວຍເຫດຜົນດຽວກັນ ແຕ່ມີຄຳຖາມທີ່ວ່າ

ແທ້ຈິງແລ້ວດັດກະດູກສັນຫລັງບໍລິເວນຄໍໃຫ້ດັງກ໋ອກ ດີ ຫລື ບໍ່ດີ ?

ຄົງຕອບໄດ້ວ່າ ດີ ແລະ ບໍ່ດີ

ກໍລະນີດີຄື: ເຮົາມີການລຽງໂຕຂອງກະດູກສັນຫລັງບໍລິເວນຄໍຕິດຂັດ ຫລື malalignment ແພດ, ແພດກາຍະບຳບັດ ຫລື chiropractor ຜູ້ຊ່ຽວຊານ ຈະຮູ້ໂດຍການກວດປະເມີນຮ່າງກາຍວ່າຄວນ ຫລື ບໍ່ຄວນ

ກໍລະນີບໍ່ດີຄື: ຫາກເຮົາບໍ່ມີອາການຫຍັງ ແບບດັດ ຫລື ບິດຄໍຫລິ້ນໆໃຫ້ຮູ້ສຶກພຽງແຕ່ສະບາຍ ໃນຄວາມຄິດເຫັນສ່ວນຕົວຂອງໝໍຄິດວ່າບໍ່ຄວນເຮັດ ເນື່ອງຈາກການທຳລາຍສູນຍາກາດພາຍໃນຂໍ້ຕໍ່ຂອງກະດູກສັນຫລັງບໍລິເວນຄໍດຸໆ ອາດມີຜົນເຮັດໃຫ້ຂໍ້ຕໍ່ດັ່ງກ່າວລົ້ມໄດ້.

Vertebral artery dissection ຫລື VAD ເວົ້າແບບເຂົ້າໃຈງ່າຍໆເລີຍຄື ກະດູກສັນຫລັງບໍລິເວນຄໍມີເສັ້ນເລືອດແດງໃຫຍ່ລອດຜ່ານໄປລ້ຽງສະໝອງ ເສັ້ນເລືອດແດງໃຫຍ່ນີ້ຊື່ວ່າ vertebral artery ສາເຫດທີ່ຊື້ນີ້ຍ້ອນວ່າລັກສະນະການລອດຜ່ານກະດູກສັນຫລັງ. ບໍ່ວ່າຈະດ້ວຍເຫດໃດກໍຕາມທີ່ຝາຜະໜັງດ້ານໃນເສັ້ນເລືອດການຈີກຂາດສົ່ງຜົນໃຫ້ເກີດການແຂງໂຕຂອງເສດເລືອດ ຫລື Blood clot ຫລື ເກີດການໜາໂຕຂອງຜະໜັງເສັ້ນເລືອດ ເຮັດໃຫ້ຮູແຄບລົງ ນັ້ນໝາຍຄວາມວ່າ ປະລິມານເລືອດທີ່ໄປລ້ຽງສະໝອງຈະຫລຸດລົງ ຫລື ເກີດການໄຫລວຽນເລືອດຕິດຂັດໄດ້ ບຸກຄົນນັ້ນໆອາດຈະມີອາການ ເຈັບຫົວ, ປວດຄໍ ຫລື ສະແດງອາການຄ້າຍອຳມະພາດຊົ່ວຄາວ ເຊັ່ນ ເວົ້າຍາກ(ເວົ້າບໍ່ຂອດ) ການເຄື່ອນໄຫວເລີ່ມບໍ່ສະດວກ ຫລື ບາງຄົນອາດເບິ່ງບໍ່ເຫັນ ແຕ່ຂໍໃຫ້ປຶກສາແພດເພາະວ່າຜົນຈາກ CT scan ຫລື MRT ມີຄວາມໜ້າເຊື່ອຖື.

ນັກວິຊາການຈຶ່ງສຶກສາວ່າໃນຂະນະທີ່ເຮົາກົ້ມຄໍ, ຢຽດຄໍ, ງ່ຽງຄໍໄປທາງດ້ານຂ້າງ ແລະ ໝຸນຄໍ ເສັ້ນເລືອດ vertebral ມີການປ່ຽນແປງຮູບຮ່າງແນວໃດ ເພາະວ່າເສັ້ນເລືອດນີ້ຜ່ານໃນຮູດ້ານຂ້າງຂອງກະດູກສັນຫລັງບໍລິເວນຄໍ ຖ້າຄໍເກີດການເຄື່ອນໄຫວຍ່ອມສົ່ງຜົນຕໍ່ຄວາມຍາວຂອງເສັ້ນເລືອດເຊັ່ນກັນ. ກໍລະນີທີ່ທ່ານຫລຽວໄປມາແລ້ວມີອາການວິນຫົວດຸໆ ຄວນຮີບຟ້າວໄປປຶກສາແພດເພື່ອກວດຫາ ການຈີກຂາດພາຍໃນຂອງເສັ້ນເລືອດ vertebral ຍ່ອມດີເພາະ VAD ເປັນໄພງຽບທີ່ເຮົາມັກບໍ່ຄ່ອຍໃຫ້ຄວາມສົນໃຈ ແຕ່ເກີດຫຍັງຂຶ້ນກໍຍາກຕໍ່ການປິ່ນປົວ.