ເຊເຣນາ ວິລລຽມ ອຳລາເທນນິສ ດ້ວຍນ້ຳຕາ ຫລັງຕົກຮອບສະແລມຢູເອສ

ເຊເຣນາ ວິລລຽມ ອະດີດນັກເທນນິສຍິງ ມື 1 ຂອງໂລກ ກ່າວອຳລາສະໜາມເທນນິສດ້ວຍນຳ້ຕາ ຫລັງຕົກຮອບທຳອິດ ແກຣນສະແລມ ລາຍການ ຢູເອສ ໂອເພນ ແຕ່ບໍ່ປິດໂອກາດທີ່ຈະກັບມາແຂ່ງຂັນອີກເທື່ອຫນຶ່ງ.

ໂດຍກ່ອນໜ້ານີ້ ເຊເຣນາ ໄດ້ປະກາດວ່າຕົວເອງຈະແຂວນແຣັກເກດ ຫລັງຈົບການແຂ່ງຂັນ ຢູເອສ ໂອເພນ 2022 ເຊິ່ງລາວ ກໍຜ່ານເຂົ້າມາເຖິງຮອບ 3.

ແນວໃດກໍຕາມຮອບດັ່ງກ່າວ ຜົນປາກົດວ່າ ນັກເທນນິສຍິງອາຍຸ 40 ປີ ເສຍໃຫ້ ອາຢາ ທອມຢາໂນວິດ ຈາກໂຣເອເຊຍ 1-2 ເຊັດ, 5-7, 7-6 (7-4), 1-6 ຕົກຮອບ ພ້ອມອຳລາວົງການຕາມທີ່ກຳນົດທີ່ເຄີຍກ່າວໄວ້.

ຫລັງການແຂ່ງຂັນ ອະດີດເຈົ້າຂອງແຊ໊ມແກຣນສະແລມ 23 ສະໄຫມ ໃຫ້ສຳພາດເຖິງຄວາມຮູ້ສຶກວ່າ : ‘‘ ຂ້ອຍຂອບໃຈທຸກ ຄົນທີ່ຢູ່ນີ້ ເຊິ່ງຢູ່ຄຽງຂ້າງຂ້ອຍມາຫລາຍສິບປີ ແຕ່ທຸກຢ່າງເລີ່ມຕົ້ນທີ່ພໍແມ່ຂອງຂ້ອຍ ແລະພວກເຂົາສົມຄວນໄດ້ຮັບທຸກຢ່າງ ດັ່ງນັ້ນ ຂ້ອຍຮູ້ສຶກຂອບເປັນພິເສດ ແລະ ຂ້ອຍຈະເປັນ ເຊເຣນາ ບໍ່ໄດ້ຖ້າບໍ່ມີ ວີນັສ ວິລລຽມ ເອື້ອຍຂອງຂ້ອຍ ຂ້ອຍພ້ອມ ທີ່ຈະເປັນແມ່ແລ້ວ ແລະ ສຳຫລວດ ເຊເຣນາ ໃນແບບອື່ນໆ ຂ້ອຍມີອະນາຄົດທີ່ສົດໃສລໍຖ້າຢູ່ຂ້າງໜ້າ ’’.

ແຕ່ແນວໃດກໍຕາມ ເຊເຣນາ ໄດ້ກ່າວເຖິງໂອກາຮດໃນການກັບມາແຂ່ງຂັນອີກເທື່ອຫນຶ່ງວ່າ :  ‘‘  ຂ້ອຍບໍ່ຄິດແບບນັ້ນ ແຕ່ເຈົ້າບໍ່ມີທາງຮູ້ດອກ ’’.