ກາຕາ ອະນຸຍາດໃຫ້ຂາຍເບຍໃນບານເຕະໂລກໄດ້

ຖືກໃຈຂີ້ເມົາເປັນຢ່າງຍິ່ງ ຫລັງ ກາຕາ ອະນຸຍາດໃຫ້ຂາຍເບຍໃນບານໂລກ ແຕ່ສະເພາະໄລຍະເວລາທີ່ກຳນົດເທົ່ານັ້ນ.

ສຳນັກຂ່າວຣອຍເຕີລາຍງານວ່າ ແຟນບານນັກດື່ມໄດ້ເຮສະນັ່ນ ຫລັງ ກາຕາ ເຈົ້າການແຂ່ງຂັນບານໂລກ 2022 ກຽມຈະ ອະນຸຍາດໃຫ້ແຟນບານຊື້ເບຍດື່ມໄດ້ກ່ອນເລີ່ມຕັ້ງແຕ່ກ່ອນເຕະ 3 ຊົ່ວໂມງ ແລະ ພາຍໃນຫນຶ່ງຊົ່ວໂມງຫລັງຈົບເກມ ແຕ່ຈະຫ້າມຂາຍລະຫວ່າງໄລຍະແຂ່ງຂັນ ແນວໃດກໍຕາມມີຜູ້ມີສິດຈຳໜ່າຍຈະແກ້ເກມດ້ວຍການຂາຍເບຍ, ເຫລົ້າ 0% ໃນໄລຍະເວລາທີ່ຖືກຫ້າມ ຈາກການເປີດເຜີຍຂອງແຫລ່ງຂ່າວ.

ບັດໄວເຊີ ຜູ້ສະໜັບສະໜູນບານໂລກທີ່ມີສິດແຕ່ພຽງຜູ້ດຽວທີ່ສາມາດຂາຍເບຍໃນການແຂ່ງຂັນ ຈະເສີບເບຍພາຍໃນຂອບ ເຂດທີ່ກຳນົດແຕ່ລະສະໜາມ ແຕ່ຈະບໍ່ຂາຍໃນອັດສະຈັນ ນອກຈາກນີ້ທາງການຈະໃຫ້ຂາຍໄດ້ໃນສ່ວນຂອງແຟນໂຊ ຫລັກໃຈກາງນະຄອນຫລວງໂດຮາ ຕັ້ງແຕ່ເວລາ 18:30 – 01:00 ນາທີ ຕາມເວລາທ້ອງຖິ່ນ ຕະຫລອດ 29 ມື້ ຕ່າງຈາກ ຄັ້ງກ່ອນທີ່ຂາຍກັນຫມົດມື້.

ການແຂ່ງຂັນບານໂລກປີນີ້ ເປັນຄັ້ງທຳອິດທີ່ຈັດຂຶ້ນໃນປະເທດຖືສາສະໜາມຸສລິມ ທີ່ຄວບຄຸມທາດເຫລົ້າຢ່າງເຂັ້ມງວດ ນັບເປັນຄວາມທ້າທາຍຕໍ່ຜູ້ຈັດທີ່ມີເບຍເປັນຜູ້ສະໜັບສະໜູນຫລັກ ແລະ ແຟນບານຕ່າງນິຍົມດື່ມເບຍ ໂດຍການ ບໍລິໂພກເຫລົ້າໃນສາທາລະນະ ເປັນສິ່ງຜິດກົດຫມາຍໃນກາຕາ.