ຮາເລັບ ຜ່ານເຂົ້າຮອບຊີງຊະນະເລີດພົບກັບ ມູກູຣູຊາ ເຕັນນິສ ເວສເທິນ ແອນ ເຊົາເທິນ ໂອເພນ

ການແຂ່ງຂັນເຕັນນິສ ເອ ທີພີທົວ ມາສເຕີ 1000 ລາຍ ການ ແລະ ດັບເບິລຢູທີເອທົວ ລາຍການ ເວສເທິນ ແອນ ເຊົາເທິນ ໂອເພນ ທີ່ເມືອງ ຊິນຊິນເນຕິ ລັດໂອໄຮໂອ ສະ ຫະລັດ ອາເມຣິກາ ປະເພດຍິງ ດ່ຽວຮອບຮອງຊະນະເລີດ ຊິ ໂມນາ ຮາເລັບ ມື 2 ຂອງລາຍ ການຈາກ ໂຣມານີ ສະແດງ ຜົນງານໄດ້ດີເດັ່ນ ຫຼັງເອົາຊະ ນະ ສະໂບນ ສະຕີເຟນ ຈາກ ສະຫະລັດ 2-0 ເຊັດ 6-2, 6-1. ຜ່ານເຂົ້າຮອບຊີງຊະນະ ເລີດໄດ້ສຳເລັດ ໂດຍຈະເຂົ້າ ໄປພົບກັບ ກາບີເຢ ມູກູຣູຊາ ມື ຂອງລາຍການຈາກ ສະເປນ ທີ່ເອົາຊະນະ ຄາໂຣລິນາ ພລິສ ໂຄວາ ມື 1 ຂອງລາຍການ ຈາກ ສ.ເຊັກ 2-0 ເຊັດ 6-3, 6-2. ໃນຮອບຮອງຊະນະ ເລີດ ໂດຍຫາກ ຮາເລັບ ຄວ້າ ແຊ໊ມໄດ້ສຳເລັດ ລາວຈະກາຍ ເປັນມື 1 ຂອງໂລກຄົນໃໝ່ ໃນ ການປະກາດອັນດັບໂລກນັກ ເຕັສຍິງອາທິດໜ້າ.
ສ່ວນປະເພດຊາຍດ່ຽວ ຮອບຮອງຊະນະເລີດ ນິກ ຄີ ກິອອສ ຈາກ ອອສເຕຣເລຍ ຜ່ານເຂົ້າຮອບຊີງຊະນະເລີດ ໃນລາຍກການ ມາສເຕີ 1000 ລາຍການ ໄດ້ເປັນຄັ້ງ ທຳອິດໃນຊີວິດ ຫຼັງບຽດເອົາ ຊະນະ ດາວິດ ເຟເຣ ຈາກ ສະ ເປນ 2-0 ເຊັດ 7-6, 7-6. ໂດຍໃນຮອບຊີງຊະນະເລີດ ຄີກິອອສ ຈະພົບກັບ ກຣິກໍ ດິ ມິຕຣອຟ ມື 7 ຂອງລາຍການ ຈາກ ບັລແກເຣຍ ທີ່ເຂົ້າຮອບ ຊີງຊະນະເລີດ ເປັນຄັ້ງທຳອິດ ຫຼັງຮອບຮອງຊະນະເລີດເອົາ ຊະນະ ຈອນ ອິສເນີ ມື 14 ຂອງລາຍການ 2-0 ເຊັດ 7-6, 7-6.