ຮອງນາຍົກ, ລັດຖະມົນຕີກະຊວງການຕ່າງປະເທດ ຈະເດີນທາງຢ້ຽມຢາມ ມົງໂກລີ ແລະ ສ.ເກົາຫລີ
September 1, 2022 - 4:49 PM
ແຈ້ງການຈາກກະຊວງການຕ່າງປະເທດໃຫ້ຮູ້ວ່າ: ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ມົງໂກລີ ໃນລະຫວ່າງວັນທີ 02 – 05 ກັນຍາ 2022 ເພື່ອຕອບສະໜອງຕາມການເຊື້ອເຊີນຂອງ ທ່ານ ນາງ ບັດເຊເຊັກ ບັດເມີງ (BATTSETSEG BATMUNKH), ລັດຖະມົນຕີກະຊວງການຕ່າງປະເທດ ແຫ່ງ ມົງໂກລີ
ແລະ ໃນວັນທີ 5–8 ກັນຍາ 2022 ຈະເດີນທາງໄປຢ້ຽມຢາມ ຢ່າງເປັນທາງການ ທີ່ ສ ເກົາຫລີ ເພື່ອຕອບສະໜອງຕາມການເຊື້ອເຊີນຂອງ ທ່ານ ປາກ ຈິນ (Park Jin), ລັດຖະມົນຕີກະຊວງການຕ່າງປະເທດ ແຫ່ງ ສ ເກົາຫລີ, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ສ ເກົາຫລີ.
