‘‘ ຄົນສຳຄັນ ’’, ຄອນເຕ ຫວັງໃຫ້ ເຄນ ຂະຫຍາຍສັນຍາກັບສະເປີຕໍ່ໄປ

ອັນໂຕນີໂອ ຄອນເຕ ຜູ້ຈັດການທີມ ທັອດແນມ ຮັອດສະເປີ ຫວັງວ່າ ແຮຣີ ເຄນ ກອງໜ້າຕົວເກ່ັງຈະຂະຫຍາຍສັນ ຍາກັບສະໂມສອນຕໍ່ໄປ ແລະ ຊື້ເປັນເວລາທີ່ເຫມາະສົມໃນການຈົດປາກກາ.

ສຳລັບ ເຄນ ສ້າງຜົນງານໄດ້ຢ່າງໂດດເດ່ັນກັບ ສະເປີ ໃນລະດູນີ້ ຫລັງຍິງໄປແລ້ວ 4 ປະຕູ ຈາກ 4 ນັດ ໃນພຣີເມຍລີກ ອັງກິດ ເຊ່ິງຫລ້າສຸດຄືການເຫມົາຄົນດຽວ 2 ໜ່ວຍໃນເກມທີ່ ສະເປີ ບຸກຊະນະ ນັອດຕິງແຮມ ຟໍເຣສ 2-0 ເມື່ອວັນທີ 28 ສິງຫາຜ່ານມາ.

ແນວໃດກໍຕາມສັນຍາຂອງດາວເຕະອາຍຸ 29 ປີ ກັບສະເປີ ພວມຈະຫມົດລົງໃນອີກ 2 ປີຂ້າງຫນ້າ ຫລື ປີ 2024 ແຕ່ຍັງບໍ່ມີຄວາມ ຫນ້າເລື່ອງການຂະຫຍາຍສັນຍາແຕ່ຢ່າງໃດ.

ຈົນຫລ້າສຸດ ຄອນເຕ ໃຫ້ສຳພາດເຖິງເລື່ອງອະນາຄົດຂອງ ເຄນ ກັບທີມ ໂດຍຫວັງວ່າດາວຍິງທີມຊາດອັງກິດຈະຈົດປາກກາຕໍ່ສັນ ຍາອອກໄປ ພ້ອມຊີ້ເປັນໄລຍະເວລາທີ່ເຫມາະສົມ ‘‘ ເຮົາພວມເວົ້າເຖິງນັກເຕະຄົນສຳຄັນຂອງ ສະເປີ ແລະ ຄວາມປາຖະໜາ ຂອງທຸກຄົນໃນສະໂມສອນສຳລັບລາວ ທີ່ຈະຢູ່ກັບ ທີມຕໍ່ໄປ ແລະ ເຊັນສັນຍາສະບັບໃໝ່ ’’.

‘‘ ມັນເປັນເວລາທີ່ເຫມາະສົມທີ່ສຸດ ແຕ່ເຈົ້າຮູ້ວ່າເຈົ້າໄດ້ສ້າງເວລາທີ່ສົມບູນແບບ ດ້ວຍໂຄງການ ຖ້ານັກເຕະເຂົ້າໃຈວ່າມີຂະບວນ ການທີ່ຖືກຕ້ອງ ທຸກຄົນພວມໄປໃນທິດທາງດຽວກັນ ຂ້ອຍຄິດວ່ານັກເຕະທຸກຄົນຕ້ອງການເຫັນສິ່ງນີ້ ແລະ ຂ້ອຍຄິດວ່າ ເຄນ ມີຄວາມສຸກຢ່າງແນ່ນອນເພາະລາວເຫັນສະຖານະການແບບນີ້ ’’.