ບອນມັດ ປົດ ສະກັອດ ພາກເກີ ອອກຈາກຜູ້ຈັດການທີມ ຫລັງຖືກລີເວີພູລຖະຫລົ່ມ

ບອນມັດ ປະກາດປົດ ສະກັອດ ພາກເກີ ພົ້ນຕຳແໜ່ງຜູ້ຈັດການທີມ ຫລັງພາທີມເລີ່ມຕົ້ນລະດູການໄດ້ຢ່າງໜ້າຜິດຫວັງ ພ້ອມເປັນຜູ້ຈັດການທີມຄົນທຳອິດຂອງພຣີເມຍລີກລະດູການນີ້ທີ່ຖືກປົດຕຳແໜ່ງ.

ສຳລັບ ພາກເກີ ພາ ບອນມັດ ເລື່ອນຊັ້ນຂຶ້ນມາສູ່ພຣີເມຍລີກລະດູການນີ້ດ້ວຍການຄວ້າຕຳແໜ່ງຮອງແຊ໊ມ ຟຸດບອລອີເອຟ ແອລ ແຊ໊ມປຽນຊິບ ( ລີກ 2 ອັງກິດ ) ເມື່ອລະດູການຜ່ານມາ.

ແຕ່ແນວໃດກໍຕາມຜົນງານຂອງບອນມັດ ໃນລີກສູງສຸດຂອງອັງກິດລະດູການນີ້ກັບບໍ່ຄ່ອຍດີ ດ້ວຍການມີພຽງ 3 ຄະແນນ ຈາກ 4 ນັດ ດ້ວຍສະຖິຕິ ຊະນະ 1 ແລະ ເສຍ 3 ນັດລວດ ເຊິ່ງຫລ້າສຸດຄືການເສຍໃຫ້ ລີເວີພູລ ແບບຂາດລອຍ 0-9 ເມື່ອວັນທີ 27 ສິງຫາທີ່່ຜ່ານມາ.

ຈົນຫລ້າສຸດ ບອນມັດ ໄດ້ອອກຖະແຫລງຜ່ານເວັບໄຊສະໂມສອນໃນການແຍກທາງກັບ ພາກເກີ ຢ່າງເປັນທາງການ ພ້ອມເປັນ ຜູ້ຈັດການທີມຂອງພຣີເມຍລີກຄົນທຳອິດໃນລະດູການນີ້ທີ່ຖືກປົດຈາກຕຳແໜ່ງ.