ສະມາຄົມນັກຂ່າວແຫ່ງ ສປປ ລາວ ຢ້ຽມຢາມສະມາຄົມມິດຕະພາບຫວຽດນາມ-ລາວ

ໃນໂອກາດດັ່ງກ່າວ, ທ່ານຮອງປະທານສະມາຄົມຫວຽດນາມ-ລາວ ໄດ້ສະແດງຄວາມພາກພູມໃຈ ແລະ ເປັນກຽດທີ່ໄດ້ຕ້ອນຮັບຄະນະສະມາຄົມນັກຂ່າວ ແຫ່ງ ສປປ ລາວ ໃນຄັ້ງນີ້ ແລະ ຖືເປັນການປະກອບສ່ວນທີ່ສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ເປັນມູນເຊື້ອລະຫວ່າງສອງພັກ, ສອງລັດ ແລະ ປະຊາຊົນສອງຊາດຫວຽດນາມ-ລາວ ແລະແມ່ນຊັບສົມບັດອັນລໍ້າຄ່າທີ່ບໍ່ມີຄູ່ປະເທດໃດໃນໂລກເຮັດໄດ້; ສາຍພົວພັນຫວຽດນາມ-ລາວ ບໍ່ພຽງແຕ່ແລກກຳລັງເຮັດໃຫ້ພວກເຮົາ ສາມາດປົດປ່ອຍປະເທດຊາດໄດ້ຮັບໄຊຊະນະເທົ່ານັ້ນ ຍັງເປັນແຫລ່ງກໍາລັງຊຸກຍູ້ ສອງປະເທດພັດທະນາເສດຖະກິດ-ສັງຄົມ ໃນໄລຍະປັດຈຸບັນ ແລະ ອະນາຄົດ ອີກດ້ວຍ.

ດັ່ງນັ້ນ, ສື່ມວນຊົນພວກເຮົາຕ້ອງໄດ້ສ່ອງແສງໃຫ້ເຫັນແຈ້ງ ກ່ຽວກັບໄມຕິຈິດມິດ ຕະພາບ, ການຮ່ວມມືຢ່າງຮອບດ້ານລະຫວ່າງ 2 ປະເທດຫວຽດນາມ-ລາວ ແລະ ເປັນການດີທີ່ສຸດນັບແຕ່ສູນກາງຮອດທ້ອງຖິ່ນທຸກຂະແໜງການ, ຂັ້ນຕ່າງໆໃນທົ່ວປະເທດ ໄດ້ມີການເຄື່ອນໄຫວແລກປ່ຽນບົດຮຽນຮ່ວມກັນ. ພາຍຫລັງເກີດການແພ່ລະບາດຂອງພະຍາດໂຄວິດ-19, ບັນດາປະເທດຕ່າງໆໃນໂລກໄດ້ຢຸດສະງັກ ໃນການພົວພັນຮ່ວມມືກັນ ແຕ່ສຳລັບຫວຽດນາມ-ລາວ ແມ່ນໄດ້ມີການຮ່ວມມືກັນໃນທຸກຂະແໜງການ ໂດຍສະມາຄົມຫວຽດນາມ-ລາວ ໄດ້ໄປຢ້ຽມຢາມສະຖານທູດລາວ ຈັດຕັ້ງການແລກປ່ຽນກັນເປັນປົກກະ ຕິ, ຊຸກຍູ້ວັດຖຸສິ່ງຂອງເຄື່ອງຊ່ວຍເຫລືອໃຫ້ແກ່ ສປປ ລາວ ໂດຍຈັດສົ່ງຜ່ານທາງສະຖານ ທູດລາວ. ທັງນີ້, ກໍເພື່ອເຮັດໃຫ້ສາຍພົວພັນອັນຍິ່ງໃຫຍ່ ຄວາມສາມັກແບບພິເສດ ເປັນຊັບສົມບັດສຳຄັນຂອງຊາດ ແລະ ເຮັດໃຫ້ສອງປະເທດອ້າຍນ້ອງພວກເຮົາ ຂຽວສົດງົດງາມຊົ່ວການລະນາ.