ເກົາຫລີໃຕ້ ທຳລາຍສະຖິຕິອັດຕາການເກີດຕໍ່າສຸດໃນໂລກ ເປັນປີທີ 2 ຕິດຕໍ່ກັນ
ສຳນັກງານສະຖິຕິແຫ່ງຊາດຂອງເກົາຫລີໃຕ້ເປີດເຜີຍວ່າ: ອັດຕາການຈະເລີນພັນໄດ້ຫລຸດລົງເປັນ 0,81 ໃນປີ 2021, ຕ່ຳກວ່າ 0,03% ເມື່ອທຽບໃສ່ປີກ່ອນ ແລະ ເປັນປີທີ 6 ທີ່ມີຈຳນວນຫລຸດລົງ.
ເມື່ອທຽບໃສ່ກັບປະເທດອື່ນໆໃນໂລກ ໃນປີ 2021 ອັດຕາການເກີດຂອງອາເມລິກາແມ່ນ 1,6 ແລະ 1,3 ໃນຍີ່ປຸ່ນ, ໃນຂະນະທີ່ປະເທດອາຟຣິກາທີ່ມີອັດຕາການເກີດສູງສຸດໃນໂລກແມ່ນ 5 ຫລື 6. ການຮັກສາຈຳນວນປະຊາກອນໃຫ້ຄົງທີ່ ປະເທດໃດໜຶ່ງຕ້ອງມີອັດຕາການຈະເລີນພັນທີ່ 2.1 ແລະ ຕົວເລກທີ່ສູງກວ່ານັ້ນໝາຍເຖິງການເພີ່ມຂຶ້ນຂອງປະຊາກອນ.ໃນໄລຍະດຽວກັນ ຈໍານວນເດັກນ້ອຍເກີດໃໝ່ໃນເກົາຫລີໃຕ້ໄດ້ຫລຸດລົງເປັນສະຖິຕິຕໍ່າສຸດທີ່ 2,6 ແສນຄົນ ຫລຸດລົງ 4.3% ຈາກປີກ່ອນ. ອີງຕາມຂໍ້ມູນຂອງການສຳຫລວດສຳມະໂນຄົວຂອງເກົາຫລີໃຕ້ທີ່ເປີດເຜີຍໃນອາທິດນີ້, ເປັນປີທີສອງຕິດຕໍ່ກັນທີ່ຈຳນວນເດັກນ້ອຍເກີດໃໝ່ ຂອງປະເທດຫລຸດລົງຕ່ຳກວ່າ 300,000 ຄົນ.
.
