ເທນຮາກ ເຜີຍແຜນຫລ້າສຸດ ໂຣນັລໂດ ກັບ ແມນຢູ ກ່ອນປິດຕະຫລາດ 1 ກັນຍານີ້

ເອຣິກ ເທນ ຮາກ ຜູ້ຈັດການທີມ ແມນເຊສເຕີ ຢູໄນເຕັດ ຕອບຄຳຖາມສື່ກ່ຽວກັບສະຖານະການຫລ້າສຸດຂອງ ຄຣິສຕຽນໂນ ໂຣນັລໂດ ຍອດດາວຍິງທີມຊາດໂປຣຕຸເກສ ທີ່ຕົກເປັນຕົວສຳຮອງໃນພຣີເມຍລີກ ອັງກິດ 2 ນັດຫລ້າສຸດ ເຊິ່ງເປີດບ້ານເອົາຊະນະ ລີເວີພູລ 2-1 ໃນນັດເປີດລະດູການ ໂດຍເປັນ 11 ຕົວຈິງພຽງຄັ້ງດຽວໃນເກມທີ່ບຸກໄປເສຍໃຫ້ ເບຣນຟອດ ຂາດລອຍ 4-0 ຈຶ່ງຖືກ ຕັ້ງຂໍ້ສັງເກດວ່າ ໂຣນັລໂດ ຍັງມີຄວາມສຳຄັນກັບ ແມນຢູ ຫລື ບໍ່ ໃນຂະນະທີ່ລາວຍັງພົວພັນກັບຂ່າວຍ້າຍທີມຢ່າງຕໍ່ເນື່ອງ ໂດຍຫລ້າສຸດມີລາຍງານວ່າ ຈອດ ເມນເດສ ໂຕແທນສ່ວນຕົວຂອງລາວພວມຕິດຕໍ່ກັນ ນາໂປລີ ທີມດັງຂອງ ກັລໂຊ ເຊເຣຍ ອາ ອິຕາລີ.

ສ່ວນ ເທນ ຮາກ ໄດ້ຕອບປະເດັນ ໂຣນັລດ ທີ່ອາດຍ້າຍທີມກ່ອນປິດຕະຫລາດນັກເຕະລະດູການໃນວັນທີ 1 ກັນຍານີ້ວ່າ : ‘‘ ເຮົາຢາກໃຫ້ລາວຢູ່ຕໍ່ໄປ ຂ້ອຍຫວັງວ່າຈະເປັນແບບນັ້ນ ’’.

ພຣີເມຍລີກ ນັດທີ 5 ແມນຢູ ຈະອອກໄປຢາມ ເລສເຕີ ຊິຕີ ທີມອັນດັບ 19 ທີ່ຫາກໍມີ 1 ຄະແນນ ໃນຄືນວັນພະຫັດທີ 1 ກັນຍານີ້ ແຂ່ງຂັນໃນເວລາ 02:00 (ເວລາໃນລາວ).