ແມ່ຍິງເສຍຄ່າບຳລຸຸງຮັກສາລົດຫລາຍກ່ວາຜູ້ຊາຍ

ເວັບໄຊ  autospinn ເປີດເຜີຍຜົນສຳຫລວດໃນປະເທດອັງກິດທີ່ພົບວ່າ : ແມ່ຍິງຕ້ອງຈ່າຍຄ່າບຳລຸງຮັກສາ ຫລື ຄ່າສ້ອມແປງລົດຫລາຍກ່ວາຜູ້ຊາຍຫລາຍກ່ວາຜູ້ຊາຍໂດຍສະເລ່ຍແລ້ວແມ່ນປະມານ 45 ປອນ ຫລື 5 ແສນກ່ວາກີບ ເຖິງວ່າສິ່ງທີ່ສ້ອມແປງນັ້ນຈະແມ່ນອັນດຽວກໍຕາມ.

ວຽກງານຜົນສຳຫລວດຈາກເວັບໄຊ ClickMechanic ໄດ້ສຳຫລວດອູ່ສ້ອມແປງລົດ 182 ແຫ່ງທົ່ວປະເທດອັງກິດ ແລະ ພົບວ່າ : ແມ່ຍິງຕ້ອງຈ່າຍຄ່າເບິ່ງແຍງຮັກສາ ຫລື ສ້ອມແປງລົດຫລາຍກ່ວາຜູ້ຊາຍ. ໃນຂະນະດຽວກັນ, ພວກເຂົາຍັງເອົາລົດຟອດ ໂຟກັສ ຮຸ່ນປີ 2011 ຂັບເລາະໄປຕາມອູ່ສ້ອມແປງລົດໃນ 10 ໂຕເມືອງທົ່ວປະເທດອັງກິດເພື່ອສຳຫລວດຄ່າໃຊ້ຈ່າຍໃນການປ່ຽນຊຸດຄາດ ເຊິ່ງຜົນປະກົດວ່າອູ່ສ້ອມແປງລົດ 8 ໃນ 10 ແຫ່ງ ເກັບຄ່າແຮງງານ ແລະ ອາໄຫລ່ສຳລັບແມ່ຍິງຫລາຍກ່ວາຜູ້ຊາຍເຖິງ 30% ໂດຍສະເພາະໃນເມືອງເບີມິງແຮມ ເຊິ່ງຄົນຂັບລົດຜູ້ຊາຍຕ້ອງຈ່າຍ 445 ປອນ ຫລື ປະມານ 5 ແສນກ່ວາກີບ. ໃນຂະນະທີ່ແມ່ຍິງຕ້ອງຈ່າຍ 582 ປອນ ຫລື ປະມານ 7 ແສນກີບ.

ແອນດຣູ ເຈີວິສ ປະທານເຈົ້າໜ້າທີ່ບໍລິຫານຂອງ ClickMechanic ໃຫ້ຄວາມເຫັນວ່າ : ເຖິງວ່າຊ່າງສ້ອມແປງສ່ວນຫລາຍຈະມີຄວາມຊື່ສັດ, ແຕ່ເຮົາກໍຍັງມີຄວາມກັງວົນກັບຊ່າງ ແລະ ອູ່ສ້ອມແປງບາງພາກສ່ວນທີ່ບໍ່ມີຈັນຍາບັນໃນການເຮັດວຽກ.